Zaheer Khan : अनुभवी वेगवान गोलंदाज झहीर खान आयपीएलच्या आगामी हंगामात लखनऊ सुपर जायंट्स संघात दिसू शकतो. एलएसजी झहीरला संघाचा मेंटॉर बनवू शकते. तो माजी मेंटॉर गौतम गंभीरची जागा घेऊ शकतो. याशिवाय ही फ्रेंचायझी गोलंदाजी प्रशिक्षक मॉर्नी मॉर्केलच्या जागी झहीरला गोलंदाजी प्रशिक्षक म्हणून नियुक्त करू शकते. याचा अर्थ या फ्रेंचायझीमध्ये तो दुहेरी भूमिका बजावू शकतो.
क्रिकबझच्या वृत्तानुसार, एलएसजी फ्रेंचायझी झहीर खानला आपला नवीन मेंटॉर बनविण्याच्या विचारात आहे. आणि त्याचे गोलंदाजीचे कौशल्यही संघाच्या गोलंदाजांना मदत करण्यासाठी उपयुक्त ठरेल. तत्पूर्वी, झहीरची भारतीय क्रिकेट संघातील रिक्त गोलंदाजी प्रशिक्षक पदासाठी उमेदवार म्हणून निवड करण्यात आली होती, जिथे तो संघाच्या युवा वेगवान गोलंदाजांना मार्गदर्शन करेल. झहीरने त्याच्या खेळाच्या दिवसांतही असेच केले आहे.
जर झहीर खान एलएसजीमध्ये सामील झाला तर तो मुख्य प्रशिक्षक जस्टिन लँगर तसेच ॲडम व्होजेस, लान्स क्लुसनर आणि जॉन्टी रोड्स सारख्या इतर कोचिंग स्टाफसोबत काम करेल. झहीरची आंतरराष्ट्रीय कारकीर्द चांगली आहे आणि पाच वेळा चॅम्पियन मुंबई इंडियन्सच्या प्रशिक्षकपदाच्या काळात त्याने प्रभावित केले आहे.
ZAHEER KHAN SET TO REPLACE GAUTAM GAMBHIR IN LSG.
— Mufaddal Vohra (@mufaddal_vohra) August 19, 2024
– LSG and Zaheer in talks for the role of mentor in the IPL. (Cricbuzz). pic.twitter.com/yjeU8oITCG
हेही वाचा – जाणून घ्या माणूस खोटं बोलतोय हे कसं कळेल? ‘या’ 5 खुणा तपासा!
झहीर खान दीर्घकाळापासून मुंबई इंडियन्सच्या संघ व्यवस्थापनाचा भाग आहे. गोलंदाजी प्रशिक्षकानंतर तो मुंबई संघाचे क्रिकेट संचालक राहिला आहे. 2022 मध्ये, मुंबई इंडियन्सने झहीरला प्लेयर्स डेवलपमेंटचा ग्लोबल हेड बनवले. झहीर दोन वर्षांपासून ही भूमिका साकारत आहे. पण आता आयपीएलच्या पुढच्या मोसमात तो नव्या भूमिकेत दिसणार आहे. एलएसजीमध्ये 2022 पासून कोणीही मेंटॉर नाही. याआधी गौतम गंभीर सलग दोन वर्षे या संघाचा मेंटॉर होता. मागील हंगाम सुरू होण्यापूर्वी तो केकेआरमध्ये गेला. एलएसजी संघात गोलंदाजी प्रशिक्षकाची जागाही रिक्त आहे कारण मॉर्नी मॉर्केल आता टीम इंडियामध्ये सामील झाला आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!