Yashasvi Jaiswal : टीम इंडियाचा युवा ओपनिंग बॅट्समन यशस्वी जयस्वाल याला टी-20 क्रमवारीत एक स्थान गमवावे लागले आहे. आता तो 7व्या स्थानावर पोहोचला आहे. पहिल्या स्थानावर अजूनही भारताचा स्टार फलंदाज सूर्यकुमार यादव आहे. तो 837 रेटिंग गुणांसह पहिल्या स्थानावर आहे.
ऑस्ट्रेलियाचा सलामीवीर ट्रॅव्हिस हेडने ताज्या टी-20 क्रमवारीत मोठी प्रगती केली आहे. त्याने 32 स्थानांची मोठी झेप घेत ५व्या स्थानावर पोहोचले आहे. सध्या त्याचे 742 रेटिंग गुण आहेत.
Yashasvi Jaiswal slipped to No.7 in the latest ICC T20 rankings. pic.twitter.com/iQOAtTsHrV
— Mufaddal Vohra (@mufaddal_vohra) June 21, 2024
इंग्लंडचा सलामीचा फलंदाज फिल सॉल्टसह पाकिस्तानचा कर्णधार बाबर आझम आणि त्याचा साथीदार मोहम्मद रिझवान आपापल्या स्थानावर कायम आहेत. 771 रेटिंग गुणांसह सॉल्ट दुसऱ्या स्थानावर आहे. तर बाबर आझमच्या नावावर 755 रेटिंग गुण आहेत आणि तो तिसऱ्या स्थानावर कायम आहे. रिझवान चौथ्या क्रमांकावर आहे. त्याच्या नावावर 746 रेटिंग गुण आहेत.
हेही वाचा – आर्रर्र…हॅट्ट्रिकमध्ये बऱ्याचदा आऊट होण्याचा रेकॉर्ड महमुदुल्लाहच्या नावावर!
यशस्वी जयस्वाल व्यतिरिक्त टॉप 10 खेळाडूंच्या यादीत दुसरा कोणताही भारतीय खेळाडू नाही. संघासाठी ऋतुराज गायकवाड 635 रेटिंग गुणांसह 13व्या स्थानावर आहे.
कोहली आणि रोहितची अवस्था वाईट
स्टार फलंदाज विराट कोहली आणि रोहित शर्माबद्दल बोलायचे तर, हे दोन्ही फलंदाज ताज्या टी-20 क्रमवारीत अनुक्रमे 50व्या आणि 51व्या स्थानावर आहेत. ताज्या टी-20 क्रमवारीत विराट कोहलीच्या नावावर 496 रेटिंग गुण आहेत. तर रोहित शर्मा 493 रेटिंग गुणांसह विराट कोहलीपेक्षा 3 गुणांनी कमी आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा