WTC Final : भारतीय क्रिकेट संघाचा कर्णधार रोहित शर्मा वर्ल्ड टेस्ट चॅम्पियनशिपच्या फायनलमध्ये खेळणार का, याबाबत एक मोठे अपडेट समोर आले आहे. सराव सत्रादरम्यान रोहित शर्माला दुखापत झाली होती आणि त्यामुळे या अंतिम सामन्यात त्याच्या खेळण्याबाबत शंका निर्माण झाली होती. मात्र, आता जी बातमी येत आहे ती भारतीय संघ आणि चाहत्यांसाठी खूप आनंदाची बातमी म्हणता येईल. वृत्तानुसार, रोहित शर्मा पूर्णपणे तंदुरुस्त असून जागतिक कसोटी चॅम्पियनशिपच्या अंतिम फेरीत सहभागी होणार आहे.
वर्ल्ड टेस्ट चॅम्पियनशिपच्या फायनलपूर्वी नेट सत्रादरम्यान रोहित शर्माच्या अंगठ्याला दुखापत झाली. रोहित शर्माच्या डाव्या हाताच्या अंगठ्याला दुखापत झाली असून त्याला मलमपट्टी करावी लागली, असे एएनआयच्या वृत्तात म्हटले आहे. त्याने सराव ताबडतोब थांबवला नसला तरी काही वेळाने त्याला थांबावे लागले पण त्यानंतर त्याने आपली पट्टी काढली.त्याची दुखापत फारशी गंभीर नाही.
आता आलेल्या बातम्यांनुसार रोहित शर्मा पूर्णपणे तंदुरुस्त असून तो या महत्त्वाच्या अंतिम सामन्यात खेळणार आहे.
भारतीय संघ 7 जूनपासून द ओव्हलवर ऑस्ट्रेलियाविरुद्ध वर्ल्ड टेस्ट चॅम्पियनशिपचा अंतिम सामना खेळणार आहे. टीम इंडिया वर्ल्ड टेस्ट चॅम्पियनशिपची फायनल खेळण्याची ही सलग दुसरी वेळ आहे. भारतीय संघाला गेल्या वेळी न्यूझीलंडविरुद्ध पराभवाला सामोरे जावे लागले होते. अशा परिस्थितीत टीम इंडियाला ऑस्ट्रेलियाला हरवून प्रथमच वर्ल्ड टेस्ट चॅम्पियनशिप ट्रॉफी जिंकण्याची इच्छा आहे. बॉर्डर-गावसकर करंडक क्रिकेट स्पर्धेत भारताने ऑस्ट्रेलियाचा 2-1 असा पराभव करून अंतिम फेरीपर्यंतचा प्रवास केला होता आणि अशा परिस्थितीत टीम इंडियाचा आत्मविश्वास नक्कीच उंचावला असेल. त्याचबरोबर ऑस्ट्रेलियन संघही पूर्ण तयारीत आहे.
Rohit Sharma is fine, there is no injury scare. [@Vimalwa] pic.twitter.com/lgDzecnjxl
— Johns. (@CricCrazyJohns) June 6, 2023
हेही वाचा – राजस्थानचे मुख्यमंत्री संतापले, रागारागात फेकला माइक! पाहा Video
WTC फायनलसाठी भारतीय संघ
रोहित शर्मा (कप्तान), शुबमन गिल, चेतेश्वर पुजारा, विराट कोहली, अजिंक्य रहाणे, रवींद्र जडेजा, रवीचंद्रन अश्विन, अक्षर पटेल, केएस भरत (विकेटकीपर), शार्दुल ठाकूर, मोहम्मद शमी, मोहम्मद सिराज, जयदेव उनाडकट , उमेश यादव, ईशान किशन (विकेटकीपर).
स्टँडबाय खेळाडू : यशस्वी जयस्वाल, मुकेश कुमार, सूर्यकुमार यादव.
WTC फायनलसाठी ऑस्ट्रेलिया संघ
पॅट कमिन्स (कप्तान), स्कॉट बोलँड, अॅलेक्स कॅरी (विकेटकीपर), कॅमेरॉन ग्रीन, मार्कस हॅरिस, ट्रॅव्हिस हेड, जोश इंग्लिस (विकेटकीपर), उस्मान ख्वाजा, मार्नस लॅबुशेन, नॅथन लियॉन, टॉड मर्फी, मायकेल नेसर , स्टीव्ह स्मिथ, मिचेल स्टार्क, डेव्हिड वॉर्नर
स्टँडबाय खेळाडू : मिचेल मार्श, मॅथ्यू रेनशॉ.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!