Virat Kohli Naveen Ul Haq Conversation In Marathi : वर्ल्डकप 2023 च्या दुसऱ्या सामन्यात भारताने अफगाणिस्तानचा (IND vs AFG News In Marathi) 8 गडी राखून पराभव केला. या दोन संघांशिवाय चाहतेही या सामन्यात विराट कोहली आणि अफगाणिस्तानचा वेगवान गोलंदाज नवीन उल हक यांच्यातील संघर्षाची आतुरतेने वाट पाहत होते, पण तसे काही घडले नाही. याउलट दोन्ही खेळाडूंनी एकमेकांना मिठी मारून आपल्या जुन्या तक्रारींचे निरसन केले. IPL 2023 च्या एका सामन्यात दोघांमध्ये मैदानावर वाद झाला होता. अशा स्थितीत भारत-अफगाणिस्तान सामन्यात दोघांमध्ये खडाजंगी होण्याची शक्यता होती पण तसे काही घडले नाही. विराट फलंदाजी करत असताना त्याने नवीनला मिठी मारली.
नवीन उल हक याने सामना संपल्यानंतर पीटीआय या वृत्तसंस्थेशी बोलताना सांगितले, “माझ्या आणि कोहलीमध्ये (Virat Kohli Naveen Ul Haq News In Marathi) जे काही घडले ते मैदानातील प्रकरण होते. मैदानाबाहेर आमच्यात कुठलाही मतभेद किंवा वाद नव्हता. लोकांनी आणि माध्यमांनी ते मोठे केले. त्यांना फॉलोअर्स वाढवण्यासाठी अशा केसेसची गरज आहे. आता आपण त्याही पलीकडे गेलो आहोत. आम्ही एकमेकांना मिठी मारली आणि हस्तांदोलन केले.”
हेही वाचा – World Cup 2023 : ‘हिटमॅन’चा अफगाणिस्तानला तडाखा, दिल्लीही जिंकली!
कोहलीने मला भूतकाळ विसरायला सांगितले – नवीन
नवीन उल हकने सांगितले, ”विराट कोहलीने (Virat Kohli News In Marathi) त्याला भूतकाळ विसरण्यास सांगितले. कोहलीने मला सांगितले की आपण त्या गोष्टी विसरल्या पाहिजेत. मी पण त्याला उत्तर दिले, माझ्या बाजूने सर्व काही संपले आहे. प्रेक्षक मैदानावर आपल्या देशांतर्गत क्रिकेटपटूच्या नावाचा जयघोष करतात. दिल्ली हे कोहलीचे होम ग्राउंड होते. तो एक चांगला माणूस आणि खेळाडू आहे.”
भारताविरुद्धच्या सामन्यात नवीन फलंदाजीसाठी आला तेव्हा प्रेक्षकांनी कोहली-कोहलीचा जयघोष सुरू केला. नवीन गोलंदाजी करत असतानाही हे दृश्य दिसत होते. त्यानंतर कोहलीने प्रेक्षकांना शांत राहण्यास सांगितले. कोहली आणि नवीनने मिठी मारल्यानंतर प्रेक्षकांनीही आरडाओरड केली.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!