World Cup 2023 Shardul Thakur Terrific Catch : वर्ल्डकपमध्ये भारत आज आपला दुसरा सामना अफगाणिस्तानशी (IND vs AFG) खेळत आहे. या सामन्यात अफगाणिस्तानने नाणेफेक जिंकून प्रथम फलंदाजी करणे पसंत केले, पण त्यांनी आपले तीन फलंदाज स्वस्तात गमावले. दिल्लीतील अरुण जेटली स्टेडियमवर खेळवल्या जाणाऱ्या या सामन्यात भारताने आपपल्या संघात एक बदल केला. या सामन्यात रवीचंद्रन अश्विन बाहेर काढत भारताने शार्दुल ठाकूरला संधी दिली. गोलंदाजीसोबत शार्दुलने क्षेत्ररक्षणातही कमाल केली आणि आश्चर्यकारक झेल टिपला.
अफगाणिस्तानचा स्टार सलामीवीर रहमानउल्ला गुरबाज चांगल्या लयीत खेळत होता, पण हार्दिक पांड्याने त्याला थांबवले. गुरबाजने 3 चौकार आणि एका षटकारासह 21 धावा केल्या. 13व्या षटकात हार्दिकने रहमानउल्लाला तंबूत धाडले. शार्दुल ठाकूरने (Shardul Thakur Catch) त्याचा सीमारेषेवर अप्रतिम झेल घेतला. पाहा शार्दुलने घेतलेला झेल –
हेही वाचा – महाराष्ट्र सरकारची ‘लेक लाडकी योजना’, जी मुलींना करते लखपती!
दोन्ही संघांची Playing 11 (World Cup 2023 IND vs AFG)
भारत – रोहित शर्मा (कप्तान), इशान किशन, विराट कोहली, श्रेयस अय्यर, केएल राहुल (विकेटकीपर), हार्दिक पांड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज.
अफगाणिस्तान – रहमानउल्ला गुरबाज(विकेटकीपर), इब्राहिम झादरान, रहमत शाह, हशमतुल्ला शाहिदी(कप्तान), नजीबुल्ला झदरन, मोहम्मद नबी, अजमातुल्ला ओमरझाई, राशिद खान, मुजीब उर रहमान, नवीन-उल-हक, फजलहक फारुकी.
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!