Joe Root Reverse Scoop Six Video : आयसीसी क्रिकेट विश्वचषक 2023 सुरू झाला आहे आणि या स्पर्धेचा पहिला सामना इंग्लंड आणि न्यूझीलंड (ENG vs NZ) यांच्यात अहमदाबादच्या नरेंद्र मोदी स्टेडियमवर खेळला जात आहे. इंग्लंडने या विश्वचषकाची जोरदार सुरुवात केली. पहिल्याच षटकाच्या दुसऱ्या चेंडूवर जॉनी बेअरस्टोने मारलेला षटकार याचा साक्षीदार आहे. इंग्लंडने यापूर्वीही असेच आक्रमक क्रिकेट खेळले आहे आणि कसोटी क्रिकेटचा तज्ञ जो रूटनेही असेच काहीसे करून दाखवले आहे.
वर्ल्डकपच्या पहिल्याच मॅचमध्ये जो रूटच्या बॅटमधून स्पेशल रिव्हर्स रॅम्प शॉट दिसला. न्यूझीलंडचा वेगवान गोलंदाज ट्रेंट बोल्टच्या चेंडूवर रूटने हा शॉट मारला. रुटचा हा षटकार इंग्लंडच्या डावाच्या 12व्या षटकात आला. बोल्ट त्याचे चौथे षटक टाकण्यासाठी आला होता. या षटकातील पहिल्या दोन चेंडूंवर एकही धाव झाली नाही, त्यामुळे रूटने काहीतरी वेगळे करण्याचे ठरवले आणि जबरदस्त फटका खेळला. या सामन्यात पाहा रूटचा रिव्हर्स रॅम्प शॉट –
इंग्लंडकडून 282 धावा
इंग्लंड संघाने सुरुवातीच्या विकेट लवकर गमावल्या, अशा स्थितीत मोर्चा सांभाळण्याची जबाबदारी जो रूटच्या खांद्यावर आली. जो रूटने आपली जबाबदारी चोख पार पाडली. त्याने 86 चेंडूत 4 चौकार आणि 1 षटकाराच्या मदतीने 77 धावांची खेळी केली. कप्तान जोस बटलरने 43 धावांचे योगदान दिले. इंग्लंडने 50 षटकात 9 बाद 282 धावा केल्या. न्यूझीलंडकडून मॅट हेन्रीने 3 विकेट्स काढल्या. ग्लेन फिलिप्स आणि मिचेल सँटनर यांनी प्रत्येकी 2 विकेट्स घेतल्या.
हेही वाचा – गुलाबाची शेती करून शेतकरी होतोय मालामाल, वर्षाला मिळतायत 8-9 लाख!
दोन्ही संघांची Playing 11 (World Cup 2023 ENG vs NZ)
इंग्लंड – जॉनी बेअरस्टो, डेविड मलान, जो रूट, हॅरी ब्रूक, जोस बटलर (विकेटकीपर/कप्तान), लियाम लिव्हिंगस्टोन, मोईन अली, सॅम करन, ख्रिस वोक्स, आदिल रशीद, मार्क वुड.
न्यूझीलंड – डेव्हॉन कॉनवे, विल यंग, रचिन रवींद्र, डॅरिल मिशेल, टॉम लॅथम (विकेटकीपर/कप्तान), ग्लेन फिलिप्स, मार्क चॅपमन, मिचेल सँटनर, जेम्स नीशम, मॅट हेन्री, ट्रेंट बोल्ट.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!