Guinea Football Match Tragedy : पश्चिम आफ्रिकी देश गिनीमध्ये फुटबॉल सामन्यादरम्यान एक मोठी दुर्घटना घडली आहे. येथे चाहते आपापसात भिडले, ज्यात 100 हून अधिक लोकांचा मृत्यू झाला. रविवारी गिनीतील दुसऱ्या क्रमांकाचे सर्वात मोठे शहर एन’झेरेकोर येथे फुटबॉल सामन्यादरम्यान चाहत्यांमध्ये झालेल्या संघर्षात लोक ठार झाले, असे स्थानिक रुग्णालयाच्या सूत्रांनी एएफपीला सांगितले. नाव न सांगण्याच्या अटीवर एका डॉक्टरने सांगितले की, “रूग्णालयात मृतदेहांच्या रांगा आहेत. इतर मृतदेह कॉरिडॉरमध्ये जमिनीवर पडलेले आहेत. शवगृह भरले आहे.”
सोशल मीडियावर व्हायरल झालेला व्हिडिओ, ज्याची एएफपी तात्काळ पडताळणी करू शकली नाही, त्यामध्ये सामन्याच्या बाहेर रस्त्यावर भांडणाची दृश्ये आणि जमिनीवर पडलेले अनेक मृतदेह दिसत आहेत. साक्षीदारांच्या म्हणण्यानुसार, संतप्त आंदोलकांनी एन’झेरेकोर पोलीस स्टेशनची तोडफोड केली आणि आग लावली.
🔴 #URGENTE | Imagenes en RRSS muestran una gran cantidad de cadáveres debido a los graves enfrentamientos entre dos hinchadas en un partido de fútbol en N'Zerekore, Guinea. pic.twitter.com/B38VC7wie4
— Mundo en Conflicto 🌎 (@MundoEConflicto) December 1, 2024
हेही वाचा – 8th Pay Commission : आठवा वेतन आयोग लागू झाल्यास पगार किती वाढणार? जाणून घ्या
एका प्रत्यक्षदर्शीने सांगितले की, “हे सर्व रेफरीच्या वादग्रस्त निर्णयाने सुरू झाले. त्यानंतर चाहत्यांनी खेळपट्टीवर आक्रमण केले.” स्थानिक मीडियाने सांगितले की हा सामना गिनी जंटा नेता मामादी डुम्बौया यांच्या सन्मानार्थ स्पर्धेचा एक भाग होता, ज्याने 2021 च्या सत्तापालटात सत्ता काबीज केली आणि स्वतःला अध्यक्ष म्हणून स्थापित केले.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!