Sachin Tendulkar 50th Birthday : मास्टर ब्लास्टर सचिन तेंडुलकर आज 50 वा वाढदिवस साजरा करत आहे. सचिनच्या वाढदिवसानिमित्त चाहत्यांपासून ते क्रिकेट, क्रीडा, बॉलीवूड, राजकारण आणि इतर सर्व सेलिब्रिटी त्याच्या वाढदिवसानिमित्त आपापल्या शैलीत त्याला शुभेच्छा देत आहेत. सचिनचे सर्वजण खास पद्धतीने अभिनंदन करत असले तरी वीरेंद्र सेहवागची अभिनंदन करण्याची शैली अधिक खास आहे. सचिन तेंडुलकरचे अभिनंदन करताना सेहवागचा हा प्रकार सोशल मीडियावर प्रचंड व्हायरल होत आहे.
भारताचा माजी सलामीवीर वीरेंद्र सेहवागने त्याचा माजी सहकारी सचिन तेंडुलकरला त्याच्या 50 व्या वाढदिवसानिमित्त शुभेच्छा देण्यासाठी एक अनोखा मार्ग निवडला. त्याच्या कर्तृत्वाची लांबलचक यादी पाहता, सेहवागने तेंडुलकरला हेडस्टँड (शीर्षासन) पोझ देऊन बर्थडे विश केले.
Maidaan par jo aapne kaha , uska ulta hi kiya, toh aaj aapke iconic 50th birthday par toh aapko Shirshasana karke wish karna hi tha.
Wish you a very happy birthday @sachin_rt Paaji , aap jiyo hazaaron saal , Saal ke din ho ek crore. #HappyBirthdaySachin pic.twitter.com/awvckIAqc9
— Virender Sehwag (@virendersehwag) April 23, 2023
हेही वाचा – India’s First Water Metro : भारताची पहिली वॉटर मेट्रो..! तिकीट किती? वाचा!
सेहवागने ट्विटरवर एक व्हिडिओ पोस्ट केला. यात तो म्हणाला, “तुम्ही मैदानावर जे काही बोललात मी त्याच्या उलट केले, म्हणून आज तुमच्या 50 व्या वाढदिवसानिमित्त, मी तुम्हाला हेडस्टँडसह शुभेच्छा देतो. सचिन पाजी तुम्हाला वाढदिवसाच्या खूप खूप शुभेच्छा, आप जियो हजारों साल, साल के दिन हो एक करोड़”
सचिन तेंडुलकरने 1989 मध्ये वयाच्या 16 व्या वर्षी आंतरराष्ट्रीय क्रिकेटमध्ये पदार्पण केले आणि 664 आंतरराष्ट्रीय सामने खेळून निवृत्ती घेतली. क्रिकेट जगतात सचिन तेंडुलकरच्या नावावर असे अनेक विक्रम आहेत, जे मोडणे अशक्य आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!