Virat Kohli On RCB Win WPL 2024 Title | स्मृती मंधानाच्या नेतृत्वाखालील रॉयल चॅलेंजर्स बंगळुरू संघाने महिला प्रीमियर लीग ट्रॉफी जिंकून इतिहास रचला. जे काम पुरुष संघाला करता आले नाही ते काम महिला संघाने केले. आरसीबीने विजेतेपद पटकावताच विराट कोहलीनेही व्हिडिओ कॉलद्वारे संघाच्या सेलिब्रेशनमध्ये सहभाग घेतला. विराटने मंधानाशी व्हिडिओ कॉलद्वारे संवाद साधला. विराट मंधानाचे अभिनंदन करत असताना तो क्षण पाहण्यासारखा होता. मंधानाच्या चेहऱ्यावर चॅम्पियनचा आनंद दिसत होता. विराट रविवारीच लंडनहून भारतात परतला. आरसीबी चॅम्पियन होताच त्याने सोशल मीडियावर सुपरवुमन लिहून आनंद व्यक्त केला. विराटने संघातील खेळाडूंचे खूप कौतुक केले.
विराट कोहलीने त्याच्या नेतृत्वाखाली 2016 मध्ये आरसीबीला आयपीएल फायनलमध्ये नेले, पण त्यानंतर संघ सनरायझर्स हैदराबादविरुद्ध पराभूत झाला. त्यानंतर डेव्हिड वॉर्नरच्या नेतृत्वाखालील हैदराबाद संघाने आरसीबीला जेतेपदापासून रोखले होते. सध्या आयपीएलमधील आरसीबी संघाची कमान दक्षिण आफ्रिकेच्या फाफ डू प्लेसिसकडे आहे.
हेही वाचा – Lok Sabha Election 2024 Dates : लोकसभा निवडणूक 2024, मतदान कधी, निकाल कधी, जाणून घ्या!
महिला संघाने विजेतेपद पटकावल्यानंतर आरसीबी पुरुष संघाचाही आत्मविश्वास खूप वाढला आहे. 22 मार्चपासून आयपीएलचे आयोजन होणार आहे. डु प्लेसिसच्या नेतृत्वाखालील आरसीबी संघ आयपीएल ट्रॉफी जिंकून आरसीबीचा आनंद द्विगुणित करू इच्छितो.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!