Virat Kohli Speech On Rohit Sharma : वानखेडे मैदानावरील टीम इंडियाच्या सत्कार समारंभात स्टार क्रिकेटर विराट कोहलीने वानखेडे स्टेडियमवर खचाखच भरलेल्या प्रेक्षकांसमोर खुलासा केला की, 15 वर्षात त्याने भारताचा कर्णधार रोहित शर्माला इतकं भावनिक पाहिलं नव्हतं. टी-20 विश्वचषकाच्या विजयानंतर अश्रूपूर्ण डोळ्यांनी दोघांनी मिठी मारली. खुल्या बसमध्ये संस्मरणीय ‘विक्ट्री परेड’नंतर आयोजित केलेल्या सत्कार समारंभात कोहली म्हणाला, “मी रोहितला 15 वर्षात पहिल्यांदाच असे भावनिक पाहिले आहे. जेव्हा मी (केन्सिंग्टन ओव्हलवर) पायऱ्या चढत होतो, तेव्हा तो रडत होता आणि मीही रडत होतो.”
कोहली 21 वर्षांचा असताना त्याने याच मैदानावर म्हटले होते की, 21 वर्षे भारतीय क्रिकेटचा भार वाहणाऱ्या महान खेळाडू सचिन तेंडुलकरला आपल्या खांद्यावर घेऊन जाणे अगदी योग्य आहे. गेल्या आठवड्यात ट्रॉफी जिंकल्यानंतर कोहलीने क्रिकेटच्या या लहान स्वरूपातून निवृत्ती जाहीर केली होती. या मैदानावर उभे राहून त्याने आणि रोहितने 15 वर्षे जबाबदारी पार पाडून देशाला ट्रॉफी मिळवून देण्यात चांगली कामगिरी केली आहे, अशी आशा व्यक्त केली.
Full interview of number 18, @imVkohli ❤ pic.twitter.com/Rtgtu92gv3
— Abhinav (@TotalKohli) July 4, 2024
हेही वाचा – वानखेडेवर रोहित शर्माकडून पांड्याचे कौतुक, चाहत्यांनी दिल्या ‘हार्दिक-हार्दिक’च्या घोषणा, पाहा Video
Virat Kohli said "We have been playing for the last 15 years, this is the first time, I see Rohit so emotional – he was crying, I was crying, a huge between both of us – I will never forget that day". pic.twitter.com/1FRn0kWVaj
— Johns. (@CricCrazyJohns) July 4, 2024
कोहली म्हणाला, “मला वाटते की रोहित आणि मी जबाबदारी स्वीकारली आहे आणि वानखेडेवर ट्रॉफी परत आणण्यापेक्षा चांगले दुसरे काहीही नाही. सामना संपल्यानंतर मला कळले की आता वेळ आली आहे की पुढच्या पिढीने जबाबदारी स्वीकारली पाहिजे. 2011 मध्ये, मी संघाचा सर्वात तरुण सदस्य होतो, मी सचिन तेंडुलकर, हरभजन सिंग आणि युवराज सिंग यांना भावूक होताना पाहिले होते आणि कदाचित मला ती भावनिकता समजली नसेल. पण आता मी नीट समजू शकतो.”
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा