Virat Kohli Gautam Gambhir Interview : भारतीय क्रिकेट संघाचा नवा प्रशिक्षक गौतम गंभीर आणि विराट कोहली यांच्यात अनेकदा वाद झाल्याचे पाहायला मिळाले आहे. इंडियन प्रीमियर लीगमधील सामन्यादरम्यान या दोन मोठ्या खेळाडूंमध्ये बाचाबाची झाली. आता गंभीर आणि विराट भारतीय संघाला आणखी चांगले बनवण्यासाठी एकत्र काम करत आहेत. भारताचा माजी कर्णधार कोहलीने बीसीसीआय टीव्हीवर प्रशिक्षक गंभीर यांची मुलाखत घेतली. याची एक क्लिप सोशल मीडियावर शेअर करण्यात आली आहे.
भारतीय संघ गुरुवार 19 सप्टेंबरपासून बांगलादेशविरुद्ध दोन कसोटी सामन्यांची मालिका खेळणार आहे. दोन्ही संघांमधील पहिला सामना चेन्नईत होणार आहे. या कसोटी सामन्यापूर्वी माजी कर्णधार विराट कोहली आणि टीम इंडियाचे नवे मुख्य प्रशिक्षक गौतम गंभीर यांच्या मुलाखती घेण्यात आल्या आहेत. त्यात अशा काही गोष्टी बोलल्या गेल्या आहेत ज्यामुळे चर्चा निर्माण झाला आहे. बीसीसीआयने गंभीरच्या या मुलाखतीचा टीझर रिलीज केला आहे.
A Very Special Interview 🙌
— BCCI (@BCCI) September 18, 2024
Stay tuned for a deep insight on how great cricketing minds operate. #TeamIndia’s Head Coach @GautamGambhir and @imVkohli come together in a never-seen-before freewheeling chat.
You do not want to miss this! Shortly on https://t.co/Z3MPyeKtDz pic.twitter.com/dQ21iOPoLy
हेही वाचा – आपली आवडती Tupperware कंपनी बुडाली! काय झालं नक्की? वाचा
विराट कोहली आणि गौतम गंभीर यांच्यातील या संवादाची सर्वांनाच प्रतीक्षा होती. इंडियन प्रीमियर लीगदरम्यान दोघांमध्ये जोरदार वाद झाला होता. प्रत्येकाला हे जाणून घ्यायचे होते की विराट कोहली आणि गौतम गंभीर सामन्यानंतरची लढत विसरून एकत्र काम करू शकतील का. या प्रश्नाचे उत्तर बीसीसीआय टीव्हीवर घेतलेली ही मुलाखत आहे.
विराट कोहलीने गंभीरला विचारले की, जेव्हा तू फलंदाजी करत असताना तुला कोणी मैदानात चिडवले आणि तू त्याला प्रतिसाद देतोस, तेव्हा तुझ्या फलंदाजीवर परिणाम होईल असे वाटत नाही का? हा प्रश्न ऐकून गंभीरने चेंडू कोहलीच्या कोर्टात टाकला. तो म्हणाला, या प्रश्नाचे उत्तर माझ्यापेक्षा तू चांगले देऊ शकतोस. कारण मैदानावर माझ्यापेक्षा जास्त वेळा तू हे केले आहेस. प्रशिक्षक गंभीरचे बोलणे ऐकून विराट हसायला लागतो आणि म्हणतो की मी हे बरोबर म्हणत नाही, मला फक्त माझ्या बाजूने बोलू शकेल असा कोणीतरी शोधायचा होता.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!