Virat Kohli Anushka Sharma Attend Kirtan : भारतीय क्रिकेट संघाचा दिग्गज फलंदाज विराट कोहली पत्नी अनुष्का शर्मासोबत लंडनमध्ये सुट्टी घालवत आहे. ऑस्ट्रेलियाविरुद्धच्या WTC फायनलमधील पराभवानंतर टीम इंडियाच्या खेळाडूंना मोठा ब्रेक मिळाला आहे. अशा परिस्थितीत अनेक खेळाडू यावेळी परदेश दौऱ्यावर आहेत. यादरम्यान विराट आणि अनुष्का कृष्णा दास कीर्तन शोमध्ये दिसले. दोघांनी मिळून कीर्तनाचा मनमुराद आनंद लुटला. कोहली आणि अनुष्काचा हा व्हिडिओ सोशल मीडियावर व्हायरल होत आह. कृष्णा दास कोण आहे? कोहली आणि अनुष्का कोणाच्या कीर्तनात पोहोचले? जाणून घ्या.
सोशल मीडियावर व्हायरल झालेल्या व्हिडिओमध्ये कोहली आणि अनुष्का प्रेक्षकांच्या मध्यभागी बसून कीर्तनाचा आनंद घेताना दिसत आहेत. कृष्णा दास हे अमेरिकन गायक आहेत. भक्तीगीते ही त्यांची ओळख आहे. गेल्या 40 वर्षांपासून ते कीर्तन करत असून जगात त्यांचा मोठा चाहतावर्ग आहे. विराट आणि अनुष्का याआधी अनेकवेळा धार्मिक स्थळांवर एकत्र दिसले आहेत. या दोघांनी यापूर्वी भारतातील उज्जैन येथील महाकालाचे दर्शन घेतले होते, त्यानंतर ते वृंदावनलाही पोहोचले होते.
Virat Kohli and Anushka Sharma attend Krishna Das Kirtan in London Yesterday pic.twitter.com/IRRnz8peh3
— Virat Kohli Fan Club (@Trend_VKohli) June 17, 2023
हेही वाचा – तुम्हाला माहितीये, जगात किती कुत्रे आहेत?
वेस्ट इंडिज दौऱ्यासाठी टीम इंडियाची अद्याप घोषणा झालेली नाही. या दौऱ्यात युवा खेळाडूंना संधी मिळू शकते, असे मानले जात आहे. यामध्ये यशस्वी जयवाल आणि ऋतुराज गायकवाड यांचा समावेश आहे. BCCI वरिष्ठ खेळाडू विराट कोहली आणि रोहित शर्मासारख्या खेळाडूंना विंडीज दौऱ्यावर विश्रांती देऊ शकते. हे खेळाडू काही काळ सातत्याने खेळत आहेत. या खेळाडूंना वर्कलोड मॅनेजमेंट अंतर्गत विश्रांती दिली जाऊ शकते.
भारतीय क्रिकेट संघ यजमान वेस्ट इंडिजविरुद्ध 12 जुलैपासून विंडसर पार्क येथे पहिला कसोटी सामना खेळणार आहे. विंडीज दौऱ्यानंतर भारताला आशिया चषक स्पर्धेत सहभागी व्हायचे आहे. आशिया कपमध्ये भारत आणि पाकिस्तानला एकाच गटात ठेवण्यात आले आहे. 2022 च्या टी-20 विश्वचषकात भारताने शेवटच्या वेळी पाकिस्तानचा पराभव केला होता. भारताच्या विजयात कोहलीने महत्त्वाची भूमिका बजावली.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!