IPL 2025 Auction : इंडियन प्रीमियर लीग 2025 चा मेगा लिलाव 24 आणि 25 नोव्हेंबर रोजी जेद्दाह, सौदी अरेबिया येथे होणार आहे. या लिलावासाठी 574 खेळाडूंची निवड करण्यात आली आहे. लिलावासाठी 1574 खेळाडूंनी नोंदणी केली होती, मात्र अंतिम यादीतून एक हजार खेळाडूंना वगळण्यात आले होते.
लिलावासाठी निवडलेल्या 574 खेळाडूंपैकी 366 भारतीय आणि 208 परदेशी खेळाडू आहेत, ज्यामध्ये सहयोगी देशांतील 3 खेळाडूंचाही समावेश आहे. तथापि, आयपीएल 2025 साठी, सर्व 10 संघांमध्ये एकूण 204 खेळाडू आहेत. याचा अर्थ निवडलेल्या 574 खेळाडूंपैकी जास्तीत जास्त 204 खेळाडूंचीच विक्री करता येईल. यावेळी सर्व 10 संघांच्या पर्समध्ये एकूण 641 कोटी रुपये शिल्लक आहेत. भारतीय वेळेनुसार दुपारी 3 वाजता लिलाव सुरू होईल.
जर पाहिलं तर 574 खेळाडूंच्या यादीत 81 खेळाडू आहेत ज्यांची मूळ किंमत 2 कोटी रुपये आहे. तर 27 खेळाडूंची मूळ किंमत 1.5 कोटी रुपये ठेवण्यात आली आहे. याशिवाय 1.25, 1 कोटी, 75 लाख, 50 लाख, 40 लाख आणि 30 लाख रुपयांची मूळ किंमत असलेल्या खेळाडूंचाही या यादीत समावेश आहे.
13-year-old Vaibhav Suryavanshi makes the auction list, but Jofra Archer is missing! Plus, all the updates from Australia and CSK's potential RTM picks in today’s #Aakashvani: https://t.co/oyhhtdImx4 pic.twitter.com/Rdx7yuK4j3
— Aakash Chopra (@cricketaakash) November 17, 2024
हेही वाचा – डग ब्रेसवेल : कोकेनची नशा करून खेळला, जबरदस्त परफॉरमन्स दिला आणि बॅन झाला!
यावेळी ऋषभ पंत, केएल राहुल, मोहम्मद शमी, श्रेयस अय्यर, रवीचंद्रन अश्विन आणि युझवेंद्र चहल यांसारखे मोठे खेळाडू लिलावात उतरतील. या सर्वांनी स्वतःला 2 कोटी रुपयांची यादी देखील दिली आहे. तर परदेशी खेळाडूंच्या यादीत ग्लेन मॅक्सवेल, मिचेल स्टार्क, जोस बटलर, डेव्हिड वॉर्नर, जेम्स अँडरसन, ट्रेंट बोल्ट, फाफ डू प्लेसिस या स्टार्सचा समावेश आहे.
13 वर्षीय वैभव सूर्यवंशी ऑक्शनमध्ये
आयपीएल 2025 च्या मेगा लिलावासाठी जाहीर करण्यात आलेल्या अंतिम यादीत बिहारच्या वैभव सूर्यवंशीलाही स्थान मिळाले आहे. वैभव हा लिलावाच्या यादीत समाविष्ट असलेला सर्वात तरुण खेळाडू असून त्याची मूळ किंमत 30 लाख रुपये आहे. ईएसपीएन क्रिकइन्फोनुसार, वैभव सूर्यवंशीचा जन्म 27 मार्च 2011 रोजी झाला आणि त्यांचे सध्याचे वय 13 वर्षे 234 दिवस (16 नोव्हेंबर 2024) आहे.
13 वर्षांचा वैभव बिहारकडून देशांतर्गत क्रिकेट खेळतो. वैभवने या वर्षी जानेवारीत मुंबईविरुद्ध प्रथम श्रेणी क्रिकेटमध्ये पदार्पण केले. वैभवला लहानपणापासूनच क्रिकेटची आवड होती, वैभवचा जन्म समस्तीपूर जिल्ह्यातील मोतीपूर येथे झाला. वयाच्या पाचव्या वर्षापासून वडील संजीव यांनी वैभवला प्रशिक्षण दिले. त्यासाठी वैभवच्या वडिलांनी घरी नेट्स बसवून घेतले. त्यानंतर वैभवने समस्तीपूरच्या क्रिकेट अकादमीत प्रवेश घेतला. यानंतर वैभवने मनीष ओझा यांच्याकडून जीसस अकादमी, पटना येथे प्रशिक्षण घेतले.
वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!