Tamim Iqbal Retirement : बांगलादेशचा दिग्गज क्रिकेटपटू तमिम इक्बालने आपली निवृत्ती मागे घेतली आहे. बांगलादेशच्या पंतप्रधानांनी या प्रकरणाची दखल घेतल्यानंतर तमिम इक्बालने आंतरराष्ट्रीय क्रिकेटमधून निवृत्तीचा निर्णय मागे घेतला आहे. 2023 च्या विश्वचषकापूर्वी तमिमने निवृत्ती घेऊन बांगलादेशच्या चाहत्यांना मोठा धक्का दिला होता. अफगाणिस्तानविरुद्ध नुकत्याच झालेल्या वनडे पराभवानंतर तमिमने क्रिकेट न खेळण्याविषयी मत दिले होते.
तमिम इक्बालची 16 वर्ष आंतरराष्ट्रीय क्रिकेट खेळत आहे. त्याने 06 जुलै 2023 रोजी चट्टोग्राम येथे पत्रकार परिषद घेऊन निवृत्तीची घोषणा केली होती. बांगलादेशच्या सर्वोत्तम खेळाडूंच्या यादीत तमिमचा समावेश आहे. संघासाठी सर्वाधिक एकदिवसीय धावा करण्याच्या बाबतीत तो अव्वल स्थानावर आहे. तमिमने आतापर्यंत खेळलेल्या 239 एकदिवसीय डावांमध्ये 8313 धावा केल्या आहेत. यादरम्यान त्याने 14 शतके आणि 56 अर्धशतके झळकावली. तमिमची वनडेतील सर्वोत्तम धावसंख्या 158 धावा आहे. या प्रकरणात मुशफिकर रहीम दुसऱ्या क्रमांकावर आहे. रहीमने वनडेत 7188 धावा केल्या आहेत.
🚨 Just in: After an intervention from Bangladesh’s Prime Minister Sheikh Hasina, Tamim Iqbal has withdrawn his decision to retire from international cricket#CricketTwitter pic.twitter.com/NRMtyxUEcc
— ESPNcricinfo (@ESPNcricinfo) July 7, 2023
हेही वाचा – जगातील सर्वात कडक सुरक्षा असणारे तुरुंग, इथून कोणीही पळू शकत नाही!
तमिम इक्बालने आपला शेवटचा कसोटी सामना एप्रिलमध्ये आयर्लंडविरुद्ध बांगलादेशविरुद्ध खेळला होता. 2007 मध्ये त्याने आंतरराष्ट्रीय क्रिकेटमध्ये पदार्पण केले. 2007 च्या विश्वचषकात भारताविरुद्ध बांगलादेशच्या ऐतिहासिक विजयात त्याने अर्धशतक झळकावले होते. त्याच वेळी, तमीम इक्बालने कसोटीत 70 सामन्यांमध्ये 38.89 च्या सरासरीने 5134 धावा केल्या, ज्यात 10 शतकांचा समावेश आहे. बांगलादेशसाठी कसोटीत सर्वाधिक धावा करणारा तो दुसऱ्या क्रमांकावर आहे. तमिमने 37 एकदिवसीय सामन्यांमध्ये बांगलादेशचे नेतृत्व केले, त्यापैकी बांगलादेशने 21 सामने जिंकले.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!