Sunil Narine : इंडियन प्रीमियर लीगमध्ये चमकदार कामगिरी करणाऱ्या सुनील नरेनने वेस्ट इंडिजच्या चाहत्यांना मोठा धक्का दिला आहे. नरेनने IPL 2024 मध्ये कोलकाता नाइट रायडर्स संघासाठी सर्वाधिक धावा केल्या आहेत आणि सर्वाधिक विकेट्सही घेतल्या आहेत. त्याच्या या कामगिरीमुळे वेस्ट इंडिजचा कर्णधार रोव्हमन पॉवेलला त्याला राष्ट्रीय संघातून खेळताना पाहायचे आहे. पण सुनील नरेनला काहीतरी वेगळंच हवं आहे.
सुनील नरेनने इंस्टाग्रामवर एक लांबलचक पोस्ट लिहिली आहे. याद्वारे त्याने त्या लोकांचे आभार मानले आहेत जे त्याला टी-20 वर्ल्डकपमध्ये खेळताना पाहू इच्छितात. नरेनने असेही म्हटले आहे की तो आता निवृत्तीतून परतणार नाही. नरेन गेल्या वर्षी नोव्हेंबरमध्ये निवृत्त झाला होता.
हेही वाचा – VIDEO : ट्रॅफिकमध्ये अडकली मुंबई इंडियन्सची बस, थोड्या वेळाने रोहितसह खेळाडू वाजवू लागले टाळ्या!
नरेन म्हणाला, ”मी नीट विचार करूनच निवृत्तीचा निर्णय घेतला आहे. मी कोणालाही निराश करू इच्छित नाही. पण मला सांगायचे आहे की आता मी जूनमध्ये वेस्ट इंडिजच्या खेळाडूंना आणि संघाला सपोर्ट करताना दिसणार आहे. गेल्या काही महिन्यांत मेहनत करणाऱ्या खेळाडूंना त्यांची प्रतिभा दाखवण्याची संधी मिळायला हवी आणि मला खात्री आहे की ते वेस्ट इंडिज आणि अमेरिकेत विजेतेपद पटकावण्यास सक्षम आहे.”
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा