Smriti Mandhana Record joint most Hundreds for India in WODIs — स्मृती मंधाना

Smriti Mandhana Record : भारतीय महिला संघ आणि दक्षिण आफ्रिका महिला संघ यांच्यात 3 एकदिवसीय सामन्यांची मालिका होत आहे. टीम इंडियाने पहिला एकदिवसीय सामना जिंकला आहे. आता उभय संघांमध्ये दुसरा वनडे सामना खेळवला जात आहे. या सामन्यात दक्षिण आफ्रिकेची कर्णधार लॉरा वोल्वार्डने नाणेफेक जिंकून प्रथम गोलंदाजी करण्याचा निर्णय घेतला. स्मृती मंधानाने या सामन्यात भारताकडून शतक झळकावत एक खास विक्रम केला. तिने मिताली राजचीही बरोबरी केली आहे.

दक्षिण आफ्रिकेविरुद्धच्या दुसऱ्या एकदिवसीय सामन्यात स्मृती मंधानाने अप्रतिम फलंदाजी केली. तिने डावाच्या सुरुवातीपासूनच दमदार फलंदाजीचा नमुना सादर केला. तिने 120 चेंडूत 18 चौकार आणि दोन षटकारांसह 136 धावा केल्या. ती उत्कृष्ट फॉर्ममध्ये आहे. मागील सामन्यातही तिने 117 धावांची खेळी केली होती. एकदिवसीय क्रिकेटमध्ये सलग दोन शतके झळकावणारी ती पहिली भारतीय महिला खेळाडू ठरली आहे. तिच्या आधी एकदिवसीय क्रिकेटमध्ये एकाही भारतीय महिला खेळाडूला सलग दोन शतके झळकावता आलेली नव्हती.

𝗪𝗛𝗔𝗧. 𝗔. 𝗠𝗢𝗠𝗘𝗡𝗧! 🙌 🙌

WHAT. A. KNOCK! 👌 👌

Well played, @mandhana_smriti! 👏 👏

That's one fine innings… 👍

… yet again! 😊

Follow The Match ▶️ https://t.co/j8UQuA5BhS #TeamIndia | #INDvSA | @IDFCFIRSTBank pic.twitter.com/F88F1nijjY
— BCCI Women (@BCCIWomen) June 19, 2024

हेही वाचा – आपले शरीर किती उष्णता सहन करू शकते? माहीत नसेल तर ‘हे’ वाचा!

मिताली राजची बरोबरी

स्मृती मंधानाचे वनडे कारकिर्दीतील हे 7 वे शतक आहे. यासह तिने मिताली राजची बरोबरी केली आहे. मितालीने वनडेमध्ये 7 शतके झळकावली आहेत. आता मंधाना, अनुभवी मिताली राजसह, भारतासाठी संयुक्तपणे सर्वाधिक एकदिवसीय शतके झळकावणारी खेळाडू बनली आहे. मंधानाने भारतासाठी केवळ 84 डावांमध्ये 7 शतके झळकावली आहेत. तर मितालीने 211 डाव खेळून 7 शतके ठोकली होती.

भारतासाठी एकदिवसीय क्रिकेटमध्ये सर्वाधिक शतके झळकावणाऱ्या महिला खेळाडू :