Sanju Samson On Rohit Sharma : क्रिकेटर संजू सॅमसनने मोठा खुलासा केला आहे. सॅमसनने टी-20 विश्वचषक फायनलबाबत आपले मत मांडले आणि सांगितले की तो फायनल खेळणार होता, पण त्याला अंतिम अकरामधून बाहेर ठेवण्याचा निर्णय शेवटच्या क्षणी घेण्यात आला. एका यूट्यूब चॅनलवर दिलेल्या मुलाखतीदरम्यान संजूने याचा खुलासा केला आहे. मुलाखतीत संजूने आपले मत व्यक्त करताना सांगितले की, “फायनलची सकाळ होती. मला सामन्यात खेळण्याची संधी होती. मला तयार राहण्यास सांगण्यात आले होते. मी फायनल खेळण्यासाठी पूर्णपणे तयार होतो. पण हे नाणेफेकीपूर्वी हा निर्णय घेण्यात आला, की प्लेईंग इलेव्हनमध्ये कोणताही बदल होणार नाही.”
सॅमसन पुढे म्हणाला, “जेव्हा ही गोष्ट उघडकीस आली तेव्हा मी थोडा निराश झालो होतो पण मला वाटले, काही हरकत नाही, हे घडते… त्या वेळी वॉर्म-अप दरम्यान रोहित भाई माझ्याकडे आला आणि माझ्याशी बोलला. त्याने मला समजावून सांगितले की त्याने असा निर्णय का घेतला आहे.”
हेही वाचा – ‘हिंदुत्व’ शब्द बदलण्यास सर्वोच्च न्यायालयाचा नकार, 65 वर्षीय डॉक्टरांची याचिका फेटाळली
फायनलमध्ये भारतीय संघ दक्षिण आफ्रिकेचा 7 धावांनी पराभव करण्यात यशस्वी ठरला होता. ऋषभ पंत अंतिम फेरीत विशेष काही करू शकला नाही आणि खाते न उघडताच बाद झाला.
रोहितबद्दल संजू पुढे म्हणाला, “रोहित भाईने मला त्यांच्या पद्धतीने समजावून सांगितले. मी त्याला पुन्हा सांगितले की हो मला समजते. तुम्ही जा आणि मॅच खेळा. मॅच जिंकल्यानंतर आपण याबद्दल बोलू.”
यानंतर रोहित निघून गेला पण एक मिनिटानंतर तो पुन्हा आला आणि मला म्हणाला, “तू माझ्याबद्दल मनात खूप काही बोलत आहेस, मला वाटते की तू आनंदी नाहीस.”
रोहित भाईने हे सांगितल्यानंतर मी म्हणालो, “नाही भाई, असे काही नाही. यानंतर, आम्ही काही वेळ बोललो, मला थोडा खेद वाटला कारण, मी रोहित त्याच्या नेतृत्वाखाली फायनल खेळू शकलो नाही. मला एक गोष्ट चांगली वाटली की फायनलसारख्या मोठ्या सामन्यात रोहित भाईने माझ्याशी बोलले. मला कळले की हा माणूस वेगळा आहे.”
वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!