Naseem Shah and Urvashi Rautela : बॉलिवूड अभिनेत्री उर्वशी रौतेलाचं नाव सध्या पाकिस्तानचा वेगवान गोलंदाज नसीम शाहसोबत जोडलं जात आहे. उर्वशी नुकतीच आशिया चषकात भारतासोबत पाकिस्तान संघाची मॅच पाहताना स्टेडियममध्ये दिसली होती. तेव्हापासून नसीमचं नाव उर्वशीसोबत सोशल मीडियावर जोडले जात आहे. पण आता नसीम शाहनं पुढे येऊन वक्तव्य केलं आहे. तो उर्वशीला ओळखतही नसल्याचा खुलासा त्यानं एका मुलाखतीत केला आहे. उर्वशी कोण आहे हेही त्याला माहीत नाही. ”जर कोणी त्याला पसंत करत असेल तर ती चांगली गोष्ट आहे. पण आता क्रिकेट खेळण्याचा माझा प्लॅन आहे”, असं नसीमनं सांगितलं.
‘कोण आहे उर्वशी, ती काय आहे? काहीच माहीत नाही’
उर्वशीच्या प्रश्नावर नसीम शाह म्हणाला, “अशी कोणतीही योजना नाही. तुमच्या प्रश्नावर हसू येत आहे कारण उर्वशी कोण आहे हे मला माहीत नाही. ती कोणत्या प्रकारचे व्हिडिओ शेअर करते, मला माहीत नाही. माझी अशी कोणतीही योजना नाही. सध्या लक्ष फक्त क्रिकेटवर आहे. फक्त क्रिकेट चांगले खेळायचं आहे.”
हेही वाचा – बाप्पा पावला..! औरंगाबादची बेपत्ता युट्यूबर बिंदास काव्या ‘या’ राज्यात सापडली; पाहा VIDEO
“I don't know who is @UrvashiRautela” 🗣 Pakistan pacer Naseem Shah on Viral Video of Him and Bollywood star #UrvashiRautela.#AsiaCup2022 #Pakistan #NaseemShah pic.twitter.com/KYZVDxlMRJ
— The Cricketer (@TheCricketerWeb) September 10, 2022
‘जर कोणाला मी आवडत असेल तर ती चांगली गोष्ट आहे’
नसीम म्हणाला, ”खरं सांगायचं तर मला याबाबत काहीच माहिती नाही. मी माझा खेळ मैदानावर खेळतो. मला काही कल्पना नाही. जे मैदानात येऊन सामना बघतात, ही त्यांची मेहरबानी असते. जर कोणाला मी आवडत असेल तर ती चांगली गोष्ट आहे. जर ते माझ्याकडे आले तर ती चांगली गोष्ट आहे. मी कोणत्या आकाशातून आलो? माझ्यात विशेष काही नाही, पण लोक प्रेम करतात, त्यामुळे चांगली गोष्ट आहे.”
हेही वाचा – VIDEO : चाहत्यानं केलं असं काही की हृतिक रोशन भडकला..! म्हणाला, “क्या कर रहा रहा है?”
ले भइय्ये #Omfo, भक्तों के नए जीजू😂😜#Urvashi_Rautela posted a video of herself and #Naseem_Shah on her Instagram story… pic.twitter.com/JMujl7AdQn
— Mohd Amir Mintoee (@MAmintoee) September 7, 2022
कधीपासून तापलंय उर्वशी-नसीम शाह मॅटर?
उर्वशीचा व्हिडीओ शेअर करण्यापासून हा संपूर्ण प्रकार सुरू झाला आहे. उर्वशी ४ सप्टेंबरला भारत-पाक सामना पाहण्यासाठी आली होती. सामन्यानंतर उर्वशीनं तिच्या इंस्टाग्राम स्टोरीवर नसीमचा व्हिडिओ शेअर केला. या व्हिडिओमध्ये नसीम मैदानात हसताना दिसत आहे, तर उर्वशी त्याच्याकडं पाहून लाजत असल्याचं दिसलं. उर्वशी रौतेलाच्या फॅन पेजनं हा व्हिडिओ बनवला आहे. उर्वशीनं तिच्या इंस्टाग्राम स्टोरीवर हा शेअर केला आहे. हा व्हिडिओ समोर येताच सोशल मीडियावर मीम्सचा पूर आला होता. याआधी उर्वशी आणि भारतीय क्रिकेटर ऋषभ पंत यांच्या अफेअरच्या बातम्या आल्या होत्या. पण या दोघांमध्ये काही मतभेद झाले. पण आता नसीम शाहनंच उर्वशीला ओळखत नसल्याचं सांगत अभिमेत्रीचा पचका केल्याचं म्हटलं जात आहे.