IPL 2023 : हार्दिक पांड्याच्या नेतृत्वाखालील गुजरात टायटन्स संघाला इंडियन प्रीमियर लीग (IPL) 2023 च्या मोसमात मोठा धक्का बसला आहे. न्यूझीलंडचा कर्णधार केन विल्यमसन गुडघ्याच्या दुखापतीमुळे संपूर्ण हंगामातून बाहेर पडला आहे. आयपीएलची सुरुवात शुक्रवारी (31 मार्च) एका शानदार उद्घाटन सोहळ्याने झाली. यानंतर मोसमातील पहिल्या सामन्यात गुजरात टायटन्सने चेन्नई सुपर किंग्जचा 5 गडी राखून पराभव केला. या सामन्यात केन विल्यमसनला दुखापत झाल्याने तो स्पर्धेतून बाहेर पडला. गुजरात फ्रेंचायझीने 2023 च्या मिनी लिलावात 2 कोटी रुपयांची बोली लावून विल्यमसनला खरेदी केले होते.
सामन्यातील चेन्नई सुपर किंग्जच्या डावाच्या 13व्या षटकात विल्यमसन दुखापतग्रस्त झाला. या षटकात सलामीवीर ऋतुराज गायकवाडने हवाई शॉट खेळला, ज्यावर विल्यमसनने झेल घेण्याचा प्रयत्न केला. सीमारेषेवर हवेत उडी मारूनही विल्यमसनला झेल घेता आला नाही, पण संघाच्या काही धावा नक्कीच वाचल्या.
Kane Williamson injured his knee while saving a boundary.
He saved two runs for his team 👏. We hope it is not a serious injury🤕
📸: Jio Cinema pic.twitter.com/P6GE6NCPGz
— CricTracker (@Cricketracker) March 31, 2023
हेही वाचा – LPG Cylinder Price : आनंदाची बातमी..! एलपीजी सिलिंडर झाला स्वस्त; ‘इतक्या’ रुपयांना मिळेल!
मात्र यादरम्यान विल्यमसनच्या गुडघ्याला दुखापत झाली. त्याला लगेच मैदानाबाहेर आणण्यात आले. त्यानंतर त्याच्या जागी साई सुदर्शनला इम्पॅक्ट प्लेअर म्हणून मैदानात उतरवण्यात आले. सुदर्शननेही प्रभावशाली खेळाडू म्हणून फलंदाजी केली. आता या दुखापतीमुळे विल्यमसन स्पर्धेबाहेर आहे.
Big blow to GT as Kane Williamson has been ruled out of IPL 2023 due to knee injury
Reported by sports tak pic.twitter.com/jXU4NibpGx
— All About Cricket (@allaboutcric_) April 1, 2023
असा रंगला सामना
या सामन्यात नाणेफेक हारल्यानंतर प्रथम फलंदाजी करताना चेन्नई संघाने 7 बाद 178 धावा केल्या. सलामीवीर ऋतुराज गायकवाडने 50 चेंडूत 92 धावा केल्या. त्याच्या खेळीत त्याने 9 षटकार आणि 4 चौकार मारले. तर मोईन अलीने 23 आणि शिवम दुबेने 19 धावा केल्या. गुजरातकडून राशिद खान, अलझारी जोसेफ आणि मोहम्मद शमीने प्रत्येकी दोन बळी घेतले.
179 धावांच्या लक्ष्याला प्रत्युत्तर देताना गुजरात संघाने चार चेंडू शिल्लक असताना सामना जिंकला. शुबमन गिलने सर्वाधिक 63 धावा केल्या. त्याचवेळी विजय शंकरने 27 आणि ऋद्धिमान साहाने 25 धावा केल्या. राशिद खान सामनावीर ठरला.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!