Virat Kohli | विराट कोहलीने त्याच्या चाहत्यांना ‘किंग’ म्हणू नका अशी विनंती केली आहे. रॉयल चॅलेंजर्स बंगळुरूने आपल्या नवीन जर्सीचा एक नेत्रदीपक अनबॉक्सिंग कार्यक्रम आयोजित केला. बंगळुरू येथील एम चिन्नास्वामी स्टेडियमवर फ्रेंचायझीने आपल्या संघाचे नाव रॉयल चॅलेंजर्स बंगलोर वरून ‘रॉयल चॅलेंजर्स बंगळुरू’ असे बदलले आहे.
नवीन जर्सी लाँच करण्यापूर्वी कोहलीला विचारण्यात आले, की त्याच्या दुसऱ्या मुलाच्या जन्मानंतर क्रिकेटच्या मैदानावर त्याला कसे वाटते? कोहली बोलत असताना खचाखच भरलेले स्टेडियम कोहली-कोहलीच्या घोषणांनी दुमदुमले. स्टेडियममधलं वातावरण असं होतं की विराटला प्रेक्षकांना बोलू देण्याची विनंती करावी लागली. कोहली म्हणाला, ”संघाला अनबॉक्स इव्हेंटनंतर संध्याकाळी चेन्नईसाठी चार्टर फ्लाइट पकडायची आहे. त्यामुळे आमच्याकडे जास्त वेळ नाही.” आयपीएल 2024 च्या सुरुवातीच्या सामन्यात रॉयल चॅलेंजर्स बंगळुरूचा सामना 22 मार्च रोजी गतविजेत्या चेन्नई सुपर किंग्जशी होणार आहे.
हेही वाचा – तुमचंही व्हॉट्सअॅप बदललंय? सगळं नवीन दिसतंय? काय झालंय वाचा!
मला ‘किंग’ म्हणू नका…
पुढे बोलताना विराटने त्याच्या चाहत्यांना यापुढे ‘किंग’ म्हणू नका असे सांगितले. तो म्हणाला, ‘सर्वप्रथम तुम्ही मला त्या शब्दाने (किंग) बोलावणे बंद करावे लागेल. कृपया मला विराट म्हणा. मी फक्त फाफ डु प्लेसिसला सांगत होतो की दरवर्षी तुम्ही मला हा (किंग) म्हणता तेव्हा मला लाज वाटते. त्यामुळे मला फक्त विराट म्हणा, आतापासून असा शब्द वापरू नका. हे माझ्यासाठी खूप लज्जास्पद आहे.”
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!