IPL 2024 SRH vs RCB : आयपीएलमध्ये सुसाट खेळणाऱ्या सनरायझर्स हैदराबादला घरच्या मैदानावर पराभव स्वीकारावा लागला आहे. आठपैकी सात पराभव चाखलेल्या रॉयल चॅलेंजर्स बंगळुरूने जबरदस्त खेळ दाखवत हैदराबादला 35 धावांनी मात दिली आणि स्पर्धेतील दुसरा विजय नोंदवला. या सामन्यात बंगळुरूचा कप्तान फाफ डु प्लेसिसने टॉस जिंकून प्रथम फलंदाजी घेतली. विराट कोहली आणि रजत पाटीदार यांच्या अर्धशतकांच्या जोरावर हैदराबादला 207 धावांचे लक्ष्य दिले. प्रत्युत्तरात बंगळुरूच्या गोलंदाजांनी घातक मारा करत हैदराबादला 171 धावांवर रोखले.
बंगळुरूने 20 षटकात 7 बाद 206 धावा केल्या. रजत पाटीदारने 20 चेंडूत 2 चौकार आणि 5 षटकारांसह 50 धावांची खेळी केली. कप्तान फाफ डू प्लेसिस आणि विल जॅक्स बाद झाल्यानंतरही रजतने आक्रमक खेळी केली.त्याच्याव्यतिरिक्त विराट कोहलीने 4 चौकार आणि एका षटकारासह 51 धावा केल्या. अष्टपैलू खेळाडू कॅमेरून ग्रीनने नाबाद 37 धावा तडकावल्या. हैदराबादकडून जयदेव उनाडकटने सर्वाधिक 3 विकेट्स काढल्या.
हेही वाचा – IPL 2024 : मुंबईविरुद्धच्या मॅचपूर्वी दिल्ली कॅपिटल्समध्ये आला तगडा ऑलराऊंडर, मिचेल मार्शच्या जागी खेळणार!
बंगळुरूच्या लक्ष्याचा पाठलाग करताना हैदराबादची सुरुवात खराहब झाली. ट्रॅविस हेड (1), एडन मार्कराम (7), नितीश रेड्डी (13), हेनरिच क्लासेन (7) हे फलंदाज स्वस्तात बाद झाले. अभिषेक शर्माने झटपट 31 धावांची खेळी केली. तोही पॉवरप्लेमध्ये बाद झाला. खालच्या फळीत शाहबाझ अहमदने किल्ला लढवला, पण दुसऱ्या बाजूने त्याला साथ लाभली नाही. इम्पॅक्ट खेळाडू स्वप्नील सिंग, कर्ण शर्मा, कॅमेरुन ग्रीन यांनी प्रत्येकी 2 विकेट्स घेतल्या. शाहबाझ अहमदने नाबाद 40 धावा केल्या. हैदराबादने 20 षटकात 8 बाद 171 धावा केल्या.
दोन्ही संघातील Playing 11
रॉयल चॅलेंजर्स बंगळुरू : विराट कोहली, फाफ डू प्लेसिस (कर्णधार), विल जॅक्स, रजत पाटीदार, कॅमेरुन ग्रीन, दिनेश कार्तिक (यष्टीरक्षक), महिपाल लोमरोर, कर्ण शर्मा, लॉकी फर्ग्युसन, मोहम्मद सिराज, यश दयाल.
सनरायझर्स हैदराबाद : अभिषेक शर्मा, एडन मार्कराम, हेनरिक क्लासेन (यष्टीरक्षक), नितीश रेड्डी, अब्दुल समद, शाहबाज अहमद, पॅट कमिन्स (कर्णधार), भुवनेश्वर कुमार, जयदेव उनाडकट, मयंक मार्कंडे, टी नटराजन.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा