IPL 2024 KL Rahul Sanjiv Goenka Controversy : आयपीएल 2024 मध्ये सनरायझर्स हैदराबाद आणि लखनऊ सुपरजायंट्स यांच्यातील सामन्यानंतर एक वाद समोर आला ज्याने क्रिकेट चाहत्यांना आश्चर्यचकित केले. या सामन्यात लखनऊ संघाला सनरायझर्स हैदराबादकडून 10 विकेट्सने पराभव स्वीकारावा लागला. सामना संपल्यानंतर सोशल मीडियावर एक व्हिडिओ व्हायरल झाला. यामध्ये लखनऊ सुपरजायंट्स (एलएसजी) चे मालक संजीव गोयंका संघाचा कर्णधार केएल राहुलशी अशा प्रकारे बोलत आहेत जे अपेक्षित नाही. पराभवानंतर संघ मालक आणि कर्णधार यांच्यात बाचाबाची झाल्याचे मानले जात आहे.
सामना हरल्यानंतर लखनऊ सुपरजायंट्सचा कर्णधार केएल राहुल पॅव्हेलियनकडे परतत होता. एलजेसीचे मालक संजीव गोयंका यांना पाहून तो त्यांच्याशी बोलण्यासाठी थांबला. दोघांमधील या संभाषणाचा व्हिडिओ व्हायरल झाला आहे, ज्यामध्ये संजीव गोएंका संतापलेले दिसत आहेत. या संपूर्ण संवादादरम्यान, असे संभाषण मैदानावर आणि कॅमेरासमोर होऊ नये, असे भाष्यकार सांगत आहेत. असे काही सांगावे लागले तरी ते मैदानाबाहेर केले पाहिजे.
हेही वाचा – सनरायझर्स हैदराबादचा ‘रेकॉर्ड-तोड’ विजय, मुंबई इंडियन्स स्पर्धेतून बाहेर!
हा व्हिडिओ पाहिल्यानंतर अनेकांनी केएल राहुलने लखनऊ सुपरजायंट्स संघ ताबडतोब सोडावा, अशी प्रतिक्रिया दिली. राहुलच्या फलंदाजीवर अनेकांनी प्रश्न उपस्थित केले आहेत. लखनऊ सुपरजायंट्सने आयपीएल 2024 मध्ये 12 पैकी 6 सामने जिंकले आहेत आणि गुणतालिकेत सहाव्या स्थानावर आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा