IPL 2024 RCB Vs PBKS : फाफ डू प्लेसिसच्या नेतृत्वात खेळणाऱ्या रॉयल चॅलेंजर्स बंगळुरूने यंदाचा पहिला विजय नोंदवला आहे. आरसीबीने घरच्या मैदानावर पंजाब किंग्जला 4 गड्यांनी मात दिली. नाणेफेक जिंकून प्रथम गोलंदाजी करताना आरसीबीने पंजाबला 176 धावांवर रोखले. प्रत्युत्तरात विराट कोहलीच्या 77 धावा आणि दिनेश कार्तिकच्या 8 बॉल नाबाद 21 धावांचया जोरांवर आरसीबीने हे लक्ष्य 4 चेंडू राखून पूर्ण केले.
नाणेफेक हरल्यानंतर पंजाबने 20 षटकांत 6 गडी गमावून 176 धावा केल्या. पंजाबकडून कर्णधार शिखर धवनने सर्वाधिक धावा केल्या. त्याने 37 चेंडूंत 5 चौकार आणि 1 षटकाराच्या मदतीने 4.5 धावांची खेळी केली. त्याने प्रभसिमरन सिंग (25) सोबत दुसऱ्या विकेटसाठी 55 धावांची भागीदारी केली. लियाम लिव्हिंगस्टोनने 17 धावांचे योगदान दिले. जितेश शर्मा (27) आणि सॅम करन (23) यांनी चौथ्या विकेटसाठी 52 धावा जोडून पीबीकेएसला 150 धावांपर्यंत मजल मारली. शशांक सिंग 21 धावांवर नाबाद राहिला. आरसीबीकडून मोहम्मद सिराज आणि ग्लेन मॅक्सवेल यांनी प्रत्येकी दोन, तर यश दयाल आणि अल्झारी जोसेफ यांनी प्रत्येकी एक विकेट घेतली.
हेही वाचा – IPL 2024 RCB Vs PBKS : विराट कोहलीचा मोठा रेकॉर्ड! टी-20 क्रिकेटमध्ये ऐतिहासिक कामगिरी
दोन्ही संघांची Playing 11
रॉयल चॅलेंजर्स बंगळुरू – फाफ डू प्लेसिस (कप्तान), विराट कोहली, रजत पाटीदार, ग्लेन मॅक्सवेल, कॅमेरॉन ग्रीन, दिनेश कार्तिक, अनुज रावत (विकेटकीपर), अल्झारी जोसेफ, मयंक डागर, मोहम्मद सिराज, यश दयाल.
पंजाब किंग्ज – शिखर धवन (कप्तान), जॉनी बेअरस्टो, प्रभसिमरन सिंग, सॅम करन, जितेश शर्मा (विकेटकीपर), लियाम लिव्हिंगस्टोन, शशांक सिंग, हरप्रीत ब्रार, हर्षल पटेल, कागिसो रबाडा, राहुल चहर.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा