IPL 2024 RCB Vs PBKS : विराट कोहलीची फॅन फॉलोइंग कमालीची आहे. त्याच्या प्रत्येक सेलिब्रेशनमध्ये त्याच्या चाहत्यांना सहभागी व्हायचं असतं. यामुळेच कोहली चांगला फॉर्मात असो वा वाईट, त्याचे चाहते त्याला सोडताना दिसत नाहीत. चाहत्यांनी सुरक्षेचा घेरा तोडून कोहलीला गाठणे ही काही नवीन गोष्ट नाही. यापूर्वीही आपण पाहिलं आहे की जेव्हा चाहत्यांनी कोहलीकडे अशा प्रकारे संपर्क साधला, तेव्हा तो त्यांना प्रेक्षक गॅलरीत परत जाण्यास सांगतो.
पंजाब किंग्ज आणि रॉयल चॅलेंजर्स बंगळुरू यांच्यातील सामन्यातही अशीच घटना दिसली जेव्हा आरसीबीचा डाव सुरू होण्यापूर्वी एका चाहत्याने सुरक्षा घेरा तोडून कोहलीकडे गेला. त्याने आधी कोहलीच्या पायाला स्पर्श केला आणि मग त्याला मिठी मारली. यानंतर सुरक्षा कर्मचाऱ्यांनी चाहत्याला परत नेले.
हेही वाचा – IPL 2024 RCB Vs PBKS : पहिला विजय लाखमोलाचा…! आरसीबीची पंजाबवर मात, कार्तिक बनला फिनिशर!
फाफ डू प्लेसिसच्या नेतृत्वात खेळणाऱ्या रॉयल चॅलेंजर्स बंगळुरूने यंदाचा पहिला विजय नोंदवला आहे. आरसीबीने घरच्या मैदानावर पंजाब किंग्जला 4 गड्यांनी मात दिली. नाणेफेक जिंकून प्रथम गोलंदाजी करताना आरसीबीने पंजाबला 20 षटकात 176-6 धावांवर रोखले. प्रत्युत्तरात विराट कोहलीच्या 77 धावा आणि दिनेश कार्तिकच्या 8 बॉल नाबाद 21 धावांचया जोरांवर आरसीबीने हे लक्ष्य 4 चेंडू राखून पूर्ण केले.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा