IPL 2024 RCB vs CSK : प्लेऑफच्या चौथ्या स्थानासाठी रॉयल चॅलेंजर्स बंगळुरू आणि चेन्नई सुपर किंग्ज यांच्यात सामना रंगत आहे. या सामन्यात चेन्नईचा कप्तान ऋतुराज गायकवाडने टॉस जिंकून प्रथम गोलंदाजी निवडली. विराट कोहली, फाफ डू प्लेसिस, रजत पाटीदार आणि कॅमेरून ग्रीन यांच्या झंझावाती फटकेबाजीच्या जोरावर आरसीबीने चेन्नईला 219 धावांचे आव्हान दिले आहे. पावसामुळे सामन्यात व्यत्यय आला, पण काही वेळाने पाऊस थांबला आणि सामना पुन्हा सुरू करण्यात आला. आरसीबीची चेन्नईविरुद्ध ही सर्वात मोठी धावसंख्या आहे.
कप्तान फाफ डू प्लेसिस आणि विराट कोहली यांनी आरसीबीला चांगली सुरुवात करून दिली. या दोघांनी 78 धावांची भागीदारी केली. विराटने 3 चौकार आणि 4 षटकारांसह 47 धावा केल्या, तर डू प्लेसिसने 3 चौकार आणि 3 षटकारांसह 54 धावा फटकावल्या. मिचेल सँटनरने ही जोडी फोडली. या दोघांनंतर रजत पाटीदारने 2 चौकार आणि 4 षटकारांसह 41 धावा चोपल्या. कॅमरून ग्रीन 3 चौकार आणि 3 षटकारांसह 38 धावांवर नाबाद राहिला. आरसीबीने 20 षटकात 5 बाद 218 धावा केल्या. तुषार देशपांडेने एक, शार्दुल ठाकूरने 2 विकेट्स घेतल्या.
हेही वाचा – RCB Vs CSK : आयपीएलमध्ये फिक्सिंग? फाफ डू प्लेसिसला आऊट दिल्यावर RCB चाहते भडकले!
दोन्ही संघांची Playing 11
रॉयल चॅलेंजर्स बंगळुरू – फाफ डू प्लेसिस (कप्तान), विराट कोहली, ग्लेन मॅक्सवेल, रजत पाटीदार, कॅमेरॉन ग्रीन, महिपाल लोमरोर, दिनेश कार्तिक (विकेटकीपर), कर्ण शर्मा, यश दयाल, लॉकी फर्ग्युसन, मोहम्मद सिराज.
चेन्नई सुपर किंग्ज – रचीन रवींद्र, ऋतुराज गायकवाड (कप्तान), डॅरिल मिचेल, अजिंक्य रहाणे, रवींद्र जडेजा, महेंद्रसिंह धोनी (विकेटकीपर), मिचेल सँटनर, शार्दुल ठाकूर, तुषार देशपांडे, सिमरजीत सिंग, महीष थिक्षना.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा