IPL 2024 MI vs RR | आयपीएलचा 14वा सामना मुंबई इंडियन्स आणि राजस्थान रॉयल्स यांच्यात खेळवला जात आहे. मुंबईचा संघ या मोसमात प्रथमच आपल्या पहिल्या विजयाच्या शोधात घरच्या मैदानावर खेळत आहे, तर राजस्थानने घरच्या मैदानावर दोन सामने खेळले असून विजयाची हॅट्ट्रिक साधण्याचा त्यांचा प्रयत्न असेल. मुंबईला पहिल्या सामन्यात गुजरातकडून आणि दुसऱ्या सामन्यात सनरायझर्स हैदराबादकडून पराभवाला सामोरे जावे लागले, तर संजू सॅमसनच्या संघाने लखनऊ आणि दिल्लीचा पराभव केला. या सामन्यात राजस्थानने टॉस जिंकून प्रथम गोलंदाजीचा निर्णय घेतला आहे. राजस्थानचा संदीप शर्मा दुखापतग्रस्त असून नांद्रे बर्गरला संधी मिळाली आहे.
या सामन्याचे आणखी एक वैशिष्ट्य म्हणजे हार्दिक पांड्या प्रथमच मुंबईत कॅप्टन म्हणून खेळत आहे. रोहित शर्माला हटवल्यानंतर मुंबई इंडियन्सचा कप्तान हार्दिक पांड्याला लोकांच्या रोषाला सामोरे जावे लागले. आता मुंबईतही तसेच काहीसे पाहायला मिळाले.
गेल्या वर्षी वानखेडेवर सातपैकी पाच सामने संघाने लक्ष्याचा पाठलाग करताना जिंकले होते. अशा परिस्थितीत, आजच्या सामन्यात, दोन्ही संघ नाणेफेक जिंकून प्रथम फलंदाजी करण्याकडे लक्ष देतील. हे एक उच्च-स्कोअरिंग मैदान आहे आणि त्यावर नेहमीच मोठ्या लक्ष्याचा पाठलाग होताना दिसला आहे. आजही उच्च स्कोअरिंग सामना अपेक्षित आहे.
दोन्ही संघांची Playing 11
मुंबई इंडियन्स – इशान किशन (विकेटकीपर), रोहित शर्मा, नमन धीर, तिलक वर्मा, हार्दिक पांड्या (कप्तान), टीम डेव्हिड, जेराल्ड कोएत्झी, पीयुष चावला, आकाश मधवाल, जसप्रीत बुमराह, क्विना मफाका.
राजस्थान रॉयल्स – यशस्वी जयस्वाल, जोस बटलर, संजू सॅमसन (विकेटकीपर/कप्तान), रियान पराग, ध्रुव जुरेल, शिमरॉन हेटमायर, रवीचंद्रन अश्विन, ट्रेंट बोल्ट, आवेश खान, नांद्रे बर्गर, युझवेंद्र चहल.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा