टीम इंडियाचा वेगवान गोलंदाज जसप्रीत बुमराहने (Jasprit Bumrah) आपल्या इन्स्टाग्रामवर एक स्टोरी टाकून सगळीकडे खळबळ उडवून दिली आहे. त्यांच्या या स्टोरीनंतर सोशल मीडियावर सर्व प्रकारच्या चर्चांना सुरुवात झाली आहे. बुमराहने त्याच्या इन्स्टा स्टोरीवर एका पोस्टद्वारे लिहिले आहे – कधीकधी शांत राहणे हे देखील चांगले उत्तर असते. बुमराहने आता चाहत्यांना गोंधळात टाकले आहे.
बुमराह सोडणार मुंबई इंडियन्स?
सर्वात चर्चेत असलेली गोष्ट म्हणजे बुमराह मुंबई इंडियन्सवर नाराज आहे. हार्दिक पांड्या मुंबई इंडियन्समध्ये परतल्याने बुमराह नाराज आहे आणि आता तो फ्रेंचायझी सोडू शकतो, अशी चर्चा सोशल मीडियावर रंगत आहे. बुमराहने इंस्टा आणि ट्विटरवरून मुंबई इंडियन्सला अनफॉलो केल्याचे समजते.
रिपोर्ट्सनुसार, जसप्रीत बुमराह आयपीएलच्या पुढील सीझनसाठी मुंबई इंडियन्सचा कर्णधार बनू शकला असता, परंतु हार्दिक पांड्याच्या पुनरागमनामुळे आता हे होणे कठीण झाले आहे. आता रोहितच्या जागी हार्दिक मुंबई इंडियन्सचा कर्णधार होऊ शकतो, असे म्हटले जात आहे. मुंबई फ्रेंचायझीने हार्दिकचा गुजरात टायटन्सशी 15 कोटी रुपयांमध्ये ट्रेड केला आहे.
हेही वाचा – हा आहे जगातील सर्वात तरुण अब्जाधीश, 19 वर्षाच्या पोराकडे अमाप संपत्ती!
बुमराह 2013 पासून मुंबई इंडियन्ससोबत
जसप्रीत बुमराह 2023 च्या विश्वचषकातील उत्कृष्ट कामगिरीनंतर सध्या क्रिकेटमधून ब्रेकवर आहे. बुमराहने वर्ल्डकपमध्ये 20 विकेट घेतल्या होत्या. बुमराह सुरुवातीपासून मुंबई इंडियन्सकडून खेळला आहे. त्याने 2013 मध्ये आयपीएल करिअरला सुरुवात केली. तेव्हापासून बुमराह प्रत्येक मोसमात सतत खेळत आहे, परंतु 2023 मध्ये पाठीच्या दुखापतीमुळे तो संपूर्ण आयपीएल खेळला नव्हता, परंतु त्यानंतरही मुंबई इंडियन्सने त्याला कायम ठेवले आहे.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!