IPL 2023 RCB vs GT Naveen ul Haq Story : आयपीएल 2023च्या प्लेऑफमध्ये गुजरात टायटन्स, चेन्नई सुपर किंग्ज, लखनऊ सुपर जायंट्स आणि मुंबई इंडियन्स यांनी स्थान मिळवले आहे. 70व्या सामन्यात गुजरातने रॉयल चॅलेंजर्स बंगळुरूला 6 विकेट्सने मात दिली. या सामन्यात विराट कोहलीने शतक झळकावले, पण संघासाठी अपुरे ठरले. या सामन्यानंतर लखनऊचा खेळाडू नवीन उल हकने बंगळुरु आणि विराटला डिवचले आहे.
नवीनने एक इन्स्टाग्राम स्टोरी शेअर केली आहे. या स्टोरीमधील माणसाला खूप आनंद झाल्याचे दिसत आहे. नवीनची ही प्रतिक्रिया सोशल मीडियावर खूप व्हायरल झाली आहे. यंदाच्या हंगामात विराट कोहली आणि नवीन उल हक यांची मैदानात बाचाबाची झाली होती. दोघांनाही जबर शिक्षाही झाली. त्यानंतर नवीनने सोशल मीडियावर प्रतिक्रिया देण्यास सुरुवात केली.
Naveen Ul Haq's Instagram story. pic.twitter.com/J53mHrfQ4o
— Mufaddal Vohra (@mufaddal_vohra) May 21, 2023
हेही वाचा – IPL 2023 : मुंबई आत, RCB बाहेर..! विराटचे शतक फुकट; गुजरातचा दणदणीत विजय
असा रंगला सामना..
या सामन्यात गुजरातचा कप्तान हार्दिक पांड्याने टॉस जिंकून प्रथम गोलंदाजी घेतली. 20 षटकात बंगळुरूने 5 बाद 197 धावा केल्या. विराटने 13 चौकार आणि एका षटकारासह 101 धावा केल्या. प्रत्युत्तरात शुबमन गिल आणि विजय शंकर यांनी 123 धावांची भागीदारी रचली. विजय शंकरने 7 चौकार आणि 2 षटकारांसह 53 धावांची खेळी केली. शुबमनने षटकार ठोकत शतक पूर्ण केले सोबतच गुजरातला विजयही मिळवून दिला. त्याने 5 चौकार आणि 8 षटकारांसह नाबाद 104 धावांची खेळी केली.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!