IPL 2023 MI vs GT Suryakumar Yadav Six : आयपीएल 2023च्या खराब सुरुवातीनंतर, भारताचा ‘मिस्टर 360’ सूर्यकुमार यादवला लय सापडली आहे. शुक्रवारी रात्री गुजरात टायटन्सविरुद्धच्या सामन्यात सूर्याने 103 धावांची नाबाद खेळी करत आयपीएल कारकिर्दीतील पहिले शतक झळकावले. यादरम्यान त्याने 11 चौकार आणि 6 आकाशी षटकार मारले. या खेळीदरम्यान सूर्याने असा शॉट खेळला की, ‘क्रिकेटचा देव’ सचिन तेंडुलकरसह चाहतेही थक्क झाले.
सचिन सामन्यादरम्यान डग आऊटमध्ये सूर्यकुमार यादवच्या या शॉटची नक्कल करताना दिसला. सचिन तेंडुलकरची ही प्रतिक्रिया सोशल मीडियावर व्हायरल होत आहे. मुंबई इंडियन्सच्या डावातील 19व्या षटकात सूर्यकुमार यादवने हा शॉट खेळला. मोहम्मद शमीच्या दुसऱ्या चेंडूवर त्याने थर्ड मॅनवर षटकार ठोकला. हा शॉट दिसतो तितका सोपा नाही. सूर्याने मारलेला हा चेंडू थेट सीमापार थर्ड मॅनकडे गेला.
हेही वाचा – IPL 2023 MI Vs GT : राशिद खानचे मुंबईविरुद्ध 10 षटकार! बेक्कार धुलाई; पाहा Video
How do you hit a cover drive but get it over third man for six?
We watched SKY do it here and still can't understand. What about you? 😵💫#IPLonJioCinema #MIvGT pic.twitter.com/kg9QU7jxuW
— JioCinema (@JioCinema) May 12, 2023
सचिन तेंडुलकर मुंबई इंडियन्सच्या डगआउटमधून अनुभवी फिरकीपटू पियुष चावलासोबत या शॉटचा आनंद घेताना दिसला. यादरम्यान तो पीयूषला सूर्याने हा शॉट कसा खेळला हे सांगताना दिसला. ‘गॉड ऑफ क्रिकेट’ची ही प्रतिक्रिया खूप व्हायरल होत आहे.
नाणेफेक हारल्यानंतर प्रथम फलंदाजी करण्याचा निर्णय घेत मुंबई इंडियन्स संघाने सूर्यकुमार यादवच्या खेळीच्या जोरावर 218 धावा केल्या. या धावसंख्येचा पाठलाग करताना गुजरात टायटन्सची सुरुवात चांगली झाली नाही. निम्मा संघ अवघ्या 55 धावांवर पॅव्हेलियनमध्ये परतला होता. पण त्यानंतर राशिद खानने 32 चेंडूत 3 चौकार आणि 10 गगनचुंबी षटकारांच्या मदतीने 79 धावांची खेळी केली. मात्र, तो आपल्या संघाला विजय मिळवून देऊ शकला नाही आणि निर्धारित 20 षटकांत गुजरातला 8 गडी गमावून 191 धावाच करता आल्या. एमआयने हा सामना 27 धावांनी जिंकला. सूर्याला त्याच्या उत्कृष्ट खेळीसाठी सामनावीराचा पुरस्कार देण्यात आला.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!