IPL 2023 Final GT vs CSK Rivaba Jadeja : चेन्नई सुपर किंग्जने पाचव्यांदा आयपीएलचे विजेतेपद पटकावले. या संघाने अंतिम फेरीत गुजरात टायटन्सचा पराभव केला. चेन्नईच्या विजयात रवींद्र जडेजाचा सिंहाचा वाटा होता. त्याने शेवटच्या दोन चेंडूंवर एक षटकार आणि एक चौकार मारून विजय मिळवला. संघाच्या विजयानंतर रिवाबाने जडेजाच्या पायाला स्पर्श केला. हे पाहून जडेजाने तिला मिठी मारली. याचा व्हिडिओ सोशल मीडियावर चांगलाच व्हायरल होत आहे. यावर चाहत्यांनी अनेक प्रतिक्रिया दिल्या आहेत.
खरं तर, चेन्नईच्या विजयानंतर एक व्हिडिओ व्हायरल झाला होता ज्यामध्ये जडेजा पत्नी रिवाबाला मिठी मारताना दिसत होता. काही वेळाने आणखी एक व्हिडिओ समोर आला, ज्यामध्ये रिवाबा त्याच्या पायांना स्पर्श करताना दिसत आहे. हा व्हिडिओ पाहिल्यानंतर चाहत्यांनी रिवाबाचे खूप कौतुक केले आहे. ट्विटरवर शेअर करण्यात आलेल्या व्हिडिओमध्ये विविध प्रतिक्रिया पाहायला मिळत आहेत. जडेजा आणि रिवाबाने सामन्यानंतर ट्रॉफीसोबत फोटोही क्लिक केला.
मर्यादा, संस्कार, खुशी, मुस्कान और जश्न…💚 #Rajput @imjadeja#team_CSK #msdhoni #MLARivabaJadeja #RavindraJadeja pic.twitter.com/QUEPEa7jaB
— AJ (@Ajayrajsinh_GDL) May 30, 2023
हेही वाचा – IPL 2023 Final : फायनलनंतर दीपक चहरवर संतापला धोनी…! नक्की काय झालं? पाहा Video
विशेष म्हणजे या मोसमात जडेजाने 16 सामन्यात 190 धावा केल्या आहेत. यादरम्यान त्याने 20 विकेट घेतल्या. या मोसमात जडेजाची सर्वोत्तम कामगिरी म्हणजे एका सामन्यात 20 धावांत 3 बळी घेणे. फायनलमध्ये त्याने मॅच विनिंग इनिंग खेळली. जडेजाने 6 चेंडूंचा सामना करत नाबाद 15 धावा केल्या. त्याच्या खेळीत एक चौकार आणि एक षटकाराचा समावेश होता. गोलंदाजीतही त्याने कमाल दाखवली. जडेजाने 4 षटकात 38 धावा देत एक विकेट घेतली.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!