IPL 2023 Final MS Dhoni Crying : महेंद्रसिंह धोनीच्या नेतृत्वाखालील चेन्नई सुपर किंग्जने गुजरात टायटन्सचा (GT vs CSK) पाच गडी राखून पराभव करून IPL 2023 चे विजेतेपद पटकावले. फायनलमधील विजयानंतर विजयी सेलिब्रेशनचा असा व्हिडिओ समोर आला आहे, जो पाहून तुमचेही डोळे ओलावतील. हा व्हिडिओ इतर कोणाचा नसून चेन्नई सुपर किंग्जचा कर्णधार धोनीचा आहे. आयपीएलने आपल्या अधिकृत ट्विटरवरून हा व्हिडिओ शेअर केला आहे.
चेन्नईला विजयासाठी शेवटच्या षटकात 13 धावा करायच्या होत्या, मोहित शर्माच्या षटकातील पहिल्या चार चेंडूंवर केवळ तीन धावा झाल्या. शेवटच्या दोन चेंडूंवर विजयासाठी 10 धावांची गरज होती. जडेजाने ओव्हरच्या पाचव्या चेंडूवर लॉगवर षटकार ठोकला. आता शेवटच्या चेंडूवर चार धावा हव्या होत्या, चाहत्यांच्या हृदयाचे ठोके वाढले होते.
हेही वाचा – IPL 2023 Final : “गुजरातला घरात घुसून…”, केदार जाधवची मराठी कॉमेंट्री पाहून जोश संचारेल!
We are not crying, you are 🥹
The Legend continues to grow 🫡#TATAIPL | #Final | #CSKvGT | @msdhoni | @ChennaiIPL pic.twitter.com/650x9lr2vH
— IndianPremierLeague (@IPL) May 30, 2023
दुसरीकडे, कर्णधार धोनी डोळे मिटून या चेंडूची वाट पाहत होता, जडेजाने या चेंडूवर चौकार मारून चेन्नईला पाचव्यांदा आयपीएलचे विजेतेपद मिळवून दिले. या शॉटनंतर जडेजा धोनीजवळ पोहोचला तेव्हा धोनीने त्याला उचलले.
पण जडेजाला मिठी मारताना धोनीच्या डोळ्यातून अश्रू वाहत होते, हे व्हिडिओ जवळून पाहिल्यानंतर कळते. धोनी नेहमीच शांत स्वभावाचा समजला जातो आणि तो नेहमीच आपल्या भावनांवर नियंत्रण ठेवण्यासाठी ओळखला जातो, परंतु चेन्नईतील थरारक विजयानंतर धोनीला आपल्या भावनांवर नियंत्रण ठेवता आले नाही आणि तो रडू लागला.
धोनीचा हा UNSEEN VIDEO पाहिल्यानंतर चाहत्यांच्या डोळ्यातूनही अश्रू येऊ शकतात. चेन्नईच्या विजयानंतर धोनीची मुलगी झिवानेही वडिलांना मिठी मारली. त्याचवेळी धोनीची पत्नी साक्षीही कॅप्टन कूलजवळ उभी असलेली दिसत आहे. पाचव्यांदा आयपीएल ट्रॉफी जिंकल्यानंतर धोनीने पुढील हंगामातही खेळणार असल्याचे स्पष्ट केले.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!