IPL 2023 David Warner vs Ravindra Jadeja : आयपीएल 2023 आता शेवटच्या टप्प्यात आहे. आज स्पर्धेत महत्त्वाचा सामना दिल्ली कॅपिटल्स आणि चेन्नई सुपर किंग्ज (DC vs CSK) यांच्यात अरुण जेटली स्टेडियमवर खेळला गेला. सामन्यादरम्यान दिल्लीचा कर्णधार डेव्हिड वॉर्नर आणि चेन्नईचा माजी कर्णधार रवींद्र जडेजा यांच्यात एक मजेदार प्रसंग पाहायला मिळाला. जडेजा वॉर्नरला धावबाद होण्यासाठी धमकावण्याचा प्रयत्न करत होता. त्याचवेळी वॉर्नरही मस्त प्रत्युत्तर देत होता. त्याने जडेजाच्या स्टाईलमध्ये आपली बॅट तलवारीसारखी फिरवायला सुरुवात केली. या मजेशीर प्रसंगाचा व्हिडिओ व्हायरल झाला आहे.
दिल्ली कॅपिटल्सच्या फलंदाजीदरम्यान ही गंमत पाहायला मिळाली. जडेजाच्या थ्रोवर वॉर्नरने डाइव्ह केले आणि तो नॉन-स्ट्रायकरच्या शेवटी धावबाद होण्यापासून थोडक्यात बचावला. चेंडू दुसऱ्या बाजूच्या खेळाडूच्या हातात होता. असे असतानाही वॉर्नर पुढची धाव घेण्यासाठी धावला. यानंतर त्याने पुन्हा धावबाद होण्याचे टाळले. येथे वॉर्नर सहमत नव्हता. पुन्हा एकदा चेंडू जडेजाच्या हातात होता. तो क्रीजच्या बाहेर होता. जडेजा त्याला घाबरवत होता आणि क्रिझच्या आत परत जाण्यास सांगत होता पण वॉर्नर थांबला नाही. त्याने पहिली बॅट जडेजाच्या दिशेने पुढे केली. मग त्याच्याच शैलीत तलवारीसारखी बॅट फिरवताना गंमत केली.
The mind-games have hit a new high here in Delhi 😃#TATAIPL | #DCvCSK | @imjadeja | @davidwarner31
Watch the Warner 🆚 Jadeja battle here 🎥🔽 pic.twitter.com/o5UF6U2sAY
— IndianPremierLeague (@IPL) May 20, 2023
हेही वाचा – 2000 Rs Notes : तुमच्याकडे आहेत 2000 च्या नोटा? आता काय करायचे जाणून घ्या!
असा रंगला सामना…
या सामन्यात चेन्नई सुपर किंग्जने दिल्ली कॅपिटल्सचा 77 धावांनी पराभव केला आणि प्लेऑफमध्ये पोहोचणारा दुसरा संघ ठरला. चेन्नईने 14 साखळी सामन्यांमध्ये आठ विजय आणि एक अनिर्णित सामन्यासह 17 गुण मिळवले आहेत. त्याचवेळी दिल्लीचा संघ आधीच प्लेऑफच्या शर्यतीतून बाहेर पडला होता. या सामन्यात चेन्नई सुपर किंग्जने नाणेफेक जिंकून प्रथम फलंदाजी करताना 223 धावा केल्या. डेव्हॉन कॉनवेने 87 आणि ऋतुराज गायकवाडने 79 धावा केल्या. प्रत्युत्तरात दिल्लीचा संघ केवळ 146 धावाच करू शकला आणि 77 धावांनी सामना गमावला.