IPL 2023 Jofra Archer : आयपीएल 2023 मध्ये मुंबई इंडियन्सला मोठा धक्का बसला असून संघाचा स्टार वेगवान गोलंदाज जोफ्रा आर्चर दुखापतीमुळे उर्वरित सामन्यांमधून बाहेर पडला आहे. जोफ्रा या लीगमध्ये संपूर्ण सामने खेळू शकणार नाही आणि आता आर्चरऐवजी मुंबईने ख्रिस जॉर्डनचा संघात समावेश केला आहे. मुंबईचे उर्वरित 4 सामने अत्यंत महत्त्वाचे असून त्याला संघातून वगळणे हा मुंबईसाठी मोठा धक्का आहे.
मुंबई इंडियन्सने त्यांच्या ट्विटर हँडलवरून माहिती देताना सांगितले की, इंग्लंड क्रिकेट बोर्ड जोफ्रा आर्चरच्या फिटनेसवर लक्ष ठेवून आहे. त्याच्या जागी ख्रिस जॉर्डनचा समावेश करण्यात आला आहे. जोफ्रा आर्चर आता पूर्ण फिटनेस आणि पुनर्वसनासाठी इंग्लंडला परतणार आहे.
हेही वाचा – Petrol Diesel Price Today : टाकी भरण्यापूर्वी तुमच्या शहरातील पेट्रोल आणि डिझेलच्या किमती तपासा!
याआधीही जॉर्डन मुंबईच्या संघात दिसला होता पण त्याने कोणत्या खेळाडूला रिप्लेस केले हे उघड झाले नव्हते. आता परिस्थिती स्पष्ट झाली आहे. अशा स्थितीत जॉर्डन आज आरसीबीविरुद्धच्या संध्याकाळच्या सामन्यात प्लेइंग इलेव्हनमध्ये खेळताना दिसू शकतो.
𝗖𝗵𝗿𝗶𝘀 𝗝𝗼𝗿𝗱𝗮𝗻 𝗷𝗼𝗶𝗻𝘀 𝗠𝘂𝗺𝗯𝗮𝗶 𝗜𝗻𝗱𝗶𝗮𝗻𝘀
Chris replaces Jofra Archer, whose recovery and fitness continues to be monitored by ECB. Jofra will return home to focus on his rehabilitation.@mipaltan #OneFamily pic.twitter.com/CupIOjpzAa
— MI Fans Army™ (@MIFansArmy) May 9, 2023
मुंबई इंडियन्स संघ
रोहित शर्मा (कर्णधार), इशान किशन (रक्षक), कॅमेरून ग्रीन, सूर्यकुमार यादव, ट्रिस्टन स्टब्स, टीम डेव्हिड, नेहल वढेरा, ख्रिस जॉर्डन, पियुष चावला, आकाश मधवाल, अर्शद खान, कुमार कार्तिकेय, रमणदीप सिंग, देवाल्ड ब्रेविस, राघव गोयल , विष्णू विनोद, रिले मेरेडिथ, शम्स मुलानी, अर्जुन तेंडुलकर, टिळक वर्मा, हृतिक शोकीन, ड्वेन जॅनसेन, संदीप वॉरियर, जेसन बेहरेनडॉर्फ.