IPL 2023 Ashish Nehra kicks Murali Kartik : यंदाचे आयपीएलचे सामने खूप धमाल करणारे ठरत आहेत. लखनऊ सुपर जायंट्स आणि रॉयल चॅलेंजर्स बंगळुरू यांच्यातील सामना तर आखख्या जगाने पाहिला असेल. आयपीएलमध्ये अशी प्रकरणे वेळोवेळी पाहायला मिळतात. आता नुकताच सोशल मीडियावर एक व्हिडिओ व्हायरल होत आहे ज्यामध्ये आशिष नेहराने समालोचक मुरली कार्तिकच्या पोटात लाथ मारली. काय आहे हे संपूर्ण व्हायरल प्रकरण जाणून घ्या.
गुजरात टायटन्सचा (GT) प्रशिक्षक आणि माजी भारतीय वेगवान गोलंदाज आशिष नेहरा क्रिकेटर-समालोचक मुरली कार्तिकला लाथ मारतानाचा व्हिडिओ तुम्हाला हैराण करेल. सामन्यापूर्वी भारताच्या दोन्ही माजी गोलंदाजांचा व्हिडिओ सोशल मीडियावर व्हायरल होत आहे. लाथ मारल्यानंतर, कार्तिक जमिनीवर पडताना दिसतो आणि आशिष हसत राहतो.
The Boys ft Ashish Nehra & Murali Karthik #KKRvsGT#KKRvGTpic.twitter.com/wGV6PfRfqW
— Silly Context (@SillyContext) April 29, 2023
हेही वाचा – Bank Account : सामान्य माणसाचे किती बँक अकाऊंट असावेत? जाणून घ्या!
भारताचा माजी फिरकीपटू मुरली कार्तिकने जमिनीवरून उठून बदला घेण्याचा प्रयत्न केला, पण तो अपयशी ठरला. सामना सुरू होण्यापूर्वी आशिष नेहरा आणि कार्तिक मैदानावर एकमेकांशी बोलत असल्याचे व्हिडिओमध्ये दिसत आहे. कार्तिकला काही समजण्यापूर्वीच नेहराने त्याच्या पोटावर लाथ मारली, ज्यामुळे तो जमिनीवर पडला.
त्याला खाली पडताना पाहून नेहरा हसला पण नंतर त्याला जमिनीवरून उठण्यास मदत केली. ऑनलाइन प्लॅटफॉर्मवर शेअर केल्यापासून, व्हिडिओला 7,000 हून अधिक लाइक्स आणि 757 रिट्विट्ससह 5 लाखांहून अधिक व्ह्यूज मिळाले आहेत.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!