IND vs SL 1st T20 : भारत आणि श्रीलंका पुन्हा एकदा दोन हात करण्यास सज्ज आहेत. आजपासून दोन्ही देशांदरम्यान ३ सामन्यांची टी-२० मालिका सुरू होत आहे. भारतीय संघाची कमान हार्दिक पंड्याकडे आहे. संपूर्ण टी-२० संघ जवळपास बदलला आहे. एक प्रकारे २०२४ मध्ये होणाऱ्या टी-२० विश्वचषकाचा रोडमॅप म्हणूनही याकडे पाहिले जात आहे. या मालिकेतील पहिला सामना मुंबईच्या वानखेडे स्टेडियमवर होणार आहे. जर आपण टी-२० रेकॉर्डवर नजर टाकली तर भारतीय संघाचा श्रीलंकेवर नेहमीच वरचष्मा राहिला आहे. अशा स्थितीत भारतीय संघाला आपली चांगली कामगिरी कायम ठेवायला आवडेल.
श्रीलंकेविरुद्धच्या टी-२० मालिकेबद्दल बोलायचे झाले तर विराट कोहली, रोहित शर्मा, श्रेयस अय्यर, जसप्रीत बुमराह, रवींद्र जडेजा, भुवनेश्वर कुमार, आर अश्विन, केएल राहुल, ऋषभ पंत आणि मोहम्मद शमी असे १० मोठे खेळाडू वेगवेगळ्या कारणांमुळे संघात नाहीत. अशा परिस्थितीत युवा खेळाडूंना येथे स्वत:ला सिद्ध करण्याची मोठी संधी आहे. अलीकडेच ऑस्ट्रेलियात झालेल्या टी-२० विश्वचषकात भारताची कामगिरी चांगली नव्हती. उपांत्य फेरीत पराभूत होऊन संघ बाहेर पडला. दुसरीकडे, खराब सुरुवात करूनही पाकिस्तानच्या संघाने अंतिम फेरीपर्यंतचा प्रवास केला होता.
हेही वाचा – Post Office Scheme : मोदी सरकारकडून नवीन वर्षाचं गिफ्ट..! तुम्हालाही होईल आनंद; जाणून घ्या!
A new year 🗓️
A new start 👍🏻
A new Vice-captain – @surya_14kumar – for the Sri Lanka T20I series 😎#TeamIndia had their first practice session here at Wankhede Stadium ahead of the T20I series opener in Mumbai 🏟️#INDvSL | @mastercardindia pic.twitter.com/qqUifdoDsp— BCCI (@BCCI) January 2, 2023
श्रीलंकेचा संघ टी-२० विश्वचषकानंतर पहिली टी-२० मालिका खेळणार आहे. जरी त्याचे खेळाडू पूर्णपणे तयार आहेत. टी-२० लीग लंका प्रीमियर लीग खेळून तो इथपर्यंत पोहोचला आहे. पहिल्या सामन्याबद्दल बोलायचे झाले तर सलामीची जोडी म्हणून ईशान किशनसोबत ऋतुराज गायकवाडला संधी दिली जाऊ शकते. इशानने यापूर्वी बांगलादेशविरुद्ध द्विशतक झळकावले होते. ऋतुराजने देशांतर्गत क्रिकेटमध्ये चांगली कामगिरी केली आहे, परंतु टी-२० आंतरराष्ट्रीय क्रिकेटमध्ये तो आतापर्यंत आपली छाप सोडू शकलेला नाही. अशा स्थितीत त्याला मालिकेत स्वत:ला सिद्ध करण्याची मोठी संधी आहे.
भारत आणि श्रीलंकेचा टी-२० संघ पुढीलप्रमाणे
भारत : हार्दिक पंड्या (कर्णधार), सूर्यकुमार यादव, ऋतुराज गायकवाड, शुबमन गिल, राहुल त्रिपाठी, दीपक हुडा, वॉशिंग्टन सुंदर, अक्षर पटेल, शिवम मावी, इशान किशन, संजू सॅमसन, उमरान मलिक, मुकेश कुमार, युझवेंद्र चहल, अर्शदीप सिंग हर्षल पटेल.
श्रीलंका : दासुन शनाका (कर्णधार), धनंजया डी सिल्वा, वानिंदू हसरंगा, पाथुम निसांका, अविष्का फर्नांडो, चरित