IND vs PAK : भारतीय क्रिकेट नियामक मंडळाने (BCCI) पुढील वर्षी पाकिस्तानमध्ये होणाऱ्या आशिया कपमध्ये सहभागी होण्याची इच्छा व्यक्त केली आहे. फ्युचर टूर्स कार्यक्रमानुसार, पाकिस्तान २०२३ मध्ये आशिया कपचे आयोजन करेल जो एकदिवसीय स्वरूपात खेळला जाईल. बीसीसीआयने आपले पर्याय खुले ठेवले आहेत. मात्र, पाकिस्तानसोबतचे राजनैतिक संबंध ताणले गेल्याने अंतिम निर्णय भारत सरकार घेईल. सरकारच्या मंजुरीनंतरच बीसीसीआय कोणतेही पाऊल उचलेल.
Cricbuzz मधील वृत्तानुसार, १८ ऑक्टोबर रोजी होणार्‍या बीसीसीआयच्या वार्षिक सर्वसाधारण सभेच्या (AGM) आधी, त्यांच्या संलग्न राज्य संघटनांना एक परिपत्रक पाठवले गेले आहे. त्यात आशिया चषकासह पाकिस्तानमध्ये सहभागी होणाऱ्या पुरुष आणि महिला क्रिकेट संघांची यादी आहे. पुढील वर्षी तीन विश्वचषक स्पर्धा होणार आहेत ज्यात महिला टी-२० विश्वचषक, महिला अंडर-१९ विश्वचषक आणि आयसीसी पुरुष क्रिकेट विश्वचषक यांचा समावेश आहे.
आशिया चषकाशिवाय या सर्व जागतिक स्पर्धांमध्ये भारत सहभागी होणार आहे. २००८ च्या मुंबई हल्ल्यानंतर भारतीय क्रिकेट संघ पाकिस्तानला गेलेला नाही. क्रिकबझने बीसीसीआयच्या एका अधिकाऱ्याच्या हवाल्याने सांगितले की, “नेहमीप्रमाणेच भारत सरकारच्या मान्यतेच्या अधीन असेल.”
हेही वाचा – सुंदर क्षण..! राज ठाकरे यांचा नातवासोबत शिवाजी पार्कवर फेरफटका
India touring Pakistan in Asia Cup for 2023.
Pakistan coming to India for ICC World Cup 2023.
Decade dead rivalry might lit up again.#INDvsPAK— Himanshu Pareek (@Sports_Himanshu) October 14, 2022
दुसरीकडे, फ्युचर टूर प्रोग्राम अंतर्गत, भारत आणि पाकिस्तानचे संघ २०२३-२७ पर्यंत द्विपक्षीय मालिकेत आमनेसामने येणार नाहीत. बीसीसीआयने सर्व राज्य संघटनांना माहिती दिली आहे. पाकिस्तानसोबतची कोणतीही द्विपक्षीय मालिका भारत सरकारच्या मर्जीनुसारच ठरवली जाईल.