Team India New Zealand Tour : भारतीय क्रिकेट संघ शनिवारी न्यूझीलंड दौऱ्यासाठी (IND vs NZ) रवाना झाला. टी-२० विश्वचषकातून बाहेर पडल्यानंतर टीम इंडिया हार्दिक पंड्याच्या नेतृत्वाखाली यजमान न्यूझीलंडविरुद्ध ३ सामन्यांची टी-२० मालिका खेळणार आहे. टी-२० मालिकेनंतर दोन्ही संघांमध्ये समान सामन्यांची एकदिवसीय मालिका खेळवली जाईल. शिखर धवन वनडे मालिकेत टीम इंडियाचे नेतृत्व करेल. पंड्यासह सूर्यकुमार यादव, लेगस्पिनर युझवेंद्र चहल आणि ऋषभ पंत अॅडलेड विमानतळावरून थेट न्यूझीलंडला रवाना झाले.
टीम इंडियाचे मधल्या फळीतील फलंदाज सूर्यकुमार यादव, युझवेंद्र चहल आणि यष्टीरक्षक ऋषभ पंत अॅडलेड विमानतळावर एकमेकांच्या वर डोके ठेवून जमिनीवर झोपलेले दिसले. युझवेंद्र चहलची पत्नी धनश्री वर्माने हा फोटो क्लिक केला आहे. धनश्री वर्माने तिच्या इंस्टाग्राम स्टोरीमध्ये हा फोटो शेअर केला आहे. हा फोटो सोशल मीडियावर व्हायरल झाला.
हेही वाचा – भारतात कोरोनाचे ८३३ नवे रुग्ण..! महाराष्ट्रात एकाचा मृत्यू; वाचा सविस्तर
न्यूझीलंडविरुद्धच्या टी-२० मालिकेसाठी भारतीय संघ
हार्दिक पंड्या (कर्णधार), शुबमन गिल, इशान किशन, दीपक हुडा, सूर्यकुमार यादव, श्रेयस अय्यर, ऋषभ पंत (उपकर्णधार आणि विकेटकीपर), संजू सॅमसन (विकेटकीपर), वॉशिंग्टन सुंदर, युझवेंद्र चहल, कुलदीप यादव, अर्शदीप सिंग, हर्शल पटेल, मोहम्मद सिराज, भुवनेश्वर कुमार, उमरान मलिक.
न्यूझीलंडविरुद्धच्या वनडे मालिकेसाठी भारतीय संघ
शिखर धवन (कर्णधार), शुबमन गिल, दीपक हुडा, सूर्यकुमार यादव, श्रेयस अय्यर, ऋषभ पंत (उप-कर्णधार आणि विकेटकीपर), संजू सॅमसन (विकेटकीपर), वॉशिंग्टन सुंदर, शार्दुल ठाकूर, शाहबाज अहमद, युझवेंद्र चहल, कुलदीप यादव, सिंग, दीपक चहर, कुलदीप सेन, उमरान मलिक.