Harmanpreet Kaur : अलिकडेच, भारत आणि बांगलादेशच्या महिला क्रिकेट संघांमध्ये तीन टी-20 आणि तितक्याच एकदिवसीय सामन्यांची मालिका खेळली गेली. टी-20 मालिकेत कोणताही वाद नव्हता, पण एकदिवसीय मालिका मात्र वादांनी भरलेली होती. दोन्ही संघांमधील तिसऱ्या एकदिवसीय सामन्यात हा वाद शिगेला पोहोचला होता जो बरोबरीत सुटला होता.
तिसर्‍या एकदिवसीय सामन्यादरम्यान, भारतीय कर्णधार हरमनप्रीत कौरला बांगलादेशी पंच तनवीर अहमद यांनी एलबीडब्ल्यू आऊट दिले, त्यानंतर हरमनने रागाने तिच्या बॅटने स्टंपला उडवले आणि पंचांशी वाद घातला. एवढेच नाही तर सामना संपल्यानंतर हरमनप्रीतने बांगलादेशी पंचांवरही जोरदार टीका केली. आता आंतरराष्ट्रीय क्रिकेट परिषद (ICC) या संपूर्ण प्रकरणावर कठोर कारवाई करण्याच्या मूडमध्ये असल्याचे दिसत आहे.
ईएसपीएन क्रिकइन्फोच्या अहवालानुसार, आचारसंहितेच्या लेव्हल-2 चे उल्लंघन केल्याबद्दल हरमनप्रीतला चार डिमेरिट पॉइंट मिळू शकतात. हरमनप्रीतला स्टम्प्स उडवल्याबद्दल तीन डिमेरिट पॉइंट आणि मॅच ऑफिसर्सवर टीका केल्याबद्दल एक डिमेरिट पॉइंट दिला जाऊ शकतो. चार डिमेरिट गुण मिळाल्यामुळे हरमनप्रीतवर दोन सामन्यांची बंदी घातली जाऊ शकते. आयसीसीने अद्याप याबाबत कोणतेही वक्तव्य जारी केलेले नाही. सध्या बीसीसीआय या प्रकरणी आयसीसीशी चर्चा करत आहे.
@ICC Should Ban Indian Captain #HarmanpreetKaur For Lifetime. pic.twitter.com/WsujVI88hV
— Bulbul Zilani (@BulbulZilani) July 23, 2023
हेही वाचा – Petrol Diesel Price Today : पेट्रोल आणि डिझेलचे नवे दर जाहीर, जाणून घ्या तुमच्या शहरात किंमत किती?
आयसीसीच्या नियमांनुसार, जेव्हा एखाद्या खेळाडूला 24 महिन्यांत चार डिमेरिट पॉइंट मिळतात, तेव्हा ते निलंबनाच्या पॉइंटमध्ये बदलले जातात आणि खेळाडूवर बंदी घातली जाते. एक कसोटी किंवा दोन एकदिवसीय किंवा दोन टी-20 सामन्यांवर बंदी घालण्यासाठी दोन डिमेरिट गुण आवश्यक आहेत. हरमनप्रीतला निलंबित केल्यास सप्टेंबर-ऑक्टोबरमध्ये दक्षिण आफ्रिकेविरुद्धच्या तीन वनडे आणि तीन टी-20 सामन्यांच्या मालिकेदरम्यान हे निलंबन लागू होईल. लेव्हल-2 अंतर्गत बंदी घालण्यात आलेली हरमनप्रीत पहिली महिला खेळाडू असेल.
Indian Captain Harmanpreet Kaur blasts Bangladesh Cricket board, calls the umpiring and management pathetic.
She also exposed the board for insulting the members of the Indian high commission by not inviting them on the stage.
Sherni standing up for 🇮🇳 without any fear. pic.twitter.com/HNHXB3TvdW
— Roshan Rai (@RoshanKrRaii) July 22, 2023
ICC चा लेव्हल-2 नियम काय आहे?
लेव्हल-2 चा नियम मैदानावरील खेळाडूंच्या वर्तनाशी संबंधित आहे. पंचाच्या निर्णयाशी गंभीर असहमत व्यक्त करणे, सामन्याशी संबंधित घटनेवर किंवा सामन्याच्या अधिकार्‍यांवर जाहीरपणे टीका करणे, सामन्याच्या उपकरणांचे नुकसान करण्याचा प्रयत्न करणे, अंपायर किंवा अधिकाऱ्यावर आक्रमकपणे चेंडू फेकणे, अपशब्द वापरणे हा ICC लेव्हल-2 गुन्हा मानला जातो.
Why are you only here? The umpires tied the match for you. Call them up! We better have a photo with them as well – Harmanpreet Kaur
Bangladesh Captain took her players back to the dressing room after this incident 😳#HarmanpreetKaur #INDvsBAN pic.twitter.com/dyKGwPrnfG
— OneCricket (@OneCricketApp) July 23, 2023
आचारसंहितेचे उल्लंघन केल्याप्रकरणी हरमनप्रीत कौर दोषी आढळल्यास ती वेदा कृष्णमूर्तीच्या विशेष यादीत सामील होईल. आतापर्यंत वेद ही एकमेव भारतीय महिला क्रिकेटपटू आहे जी दोनदा आचारसंहितेचे उल्लंघन केल्याप्रकरणी दोषी आढळली आहे. हरमनप्रीतला यापूर्वी 2017 वर्ल्डकपमध्ये डिमेरिट पॉइंट मिळाले होते. त्यानंतर हरमनने ऑस्ट्रेलियाच्या उपांत्य फेरीच्या सामन्यादरम्यान रागाने तिचे हेल्मेट जमिनीवर टाकले होते, जो लेव्हल-1 गुन्हा मानला गेला होता. आतापर्यंत 29 महिला क्रिकेटपटू आचारसंहितेचे उल्लंघन केल्याप्रकरणी दोषी आढळल्या आहेत.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!