भारताची माजी टेनिसपटू सानिया मिर्झापासून विभक्त झाल्याच्या अफवांदरम्यान पाकिस्तानचा स्टार क्रिकेटर शोएब मलिकने पाकिस्तानी अभिनेत्री सना जावेदसोबत लग्न (Shoaib Malik Sana Javed Marriage) केल्याचे समोर आले आहे. शोएब मलिकने शनिवारी, 20 जानेवारी रोजी सोशल मीडियावर त्याच्या लग्नसोहळ्यातील फोटो शेअर केले. काही काळापासून सानिया मिर्झा आणि शोएब मलिक यांच्या घटस्फोटाच्या अफवांनी बाजार तापला. दोघेही काही काळापासून वेगळे राहत होते. बुधवारीच सानिया मिर्झाने एक पोस्ट शेअर केली होती, ज्यामुळे तिच्या आणि शोएब मलिक यांच्या घटस्फोटाच्या अफवा आणखीनच वाढल्या होत्या. मात्र, शोएब आणि सानियाचा घटस्फोट झाला आहे की नाही हे अद्याप निश्चित झालेले नाही.
तिने लिहिले होते ”लग्न कठीण आहे. घटस्फोट घेणे कठीण आहे. तुमचे सर्वात कठीण निवडा. लठ्ठपणा कठीण आहे. तंदुरुस्त राहणे कठीण आहे. तुमचे सर्वात कठीण निवडा. कर्जात अडकणे कठीण आहे. आर्थिकदृष्ट्या शिस्तबद्ध राहणे कठीण आहे. तुमचे सर्वात कठीण निवडा. संवाद अवघड आहे. संवाद न करणे कठीण आहे. तुमचे सर्वात कठीण निवडा. जीवन कधीही सोपे होणार नाही. हे नेहमीच कठीण असेल, परंतु आपण आपले कठोर परिश्रम निवडू शकतो. हुशारीने निवडा.”
हेही वाचा – ‘बाबर रोड’चे नाव बदलून ‘अयोध्या मार्ग’ होणार?
काही काळापासून शोएब मलिक आणि सना जावेद एकमेकांना डेट करत असल्याच्या अफवा पसरल्या होत्या. शोएबनेही गेल्या वर्षी सनाला वाढदिवसाच्या शुभेच्छा देऊन त्यावर काही प्रमाणात शिक्कामोर्तब केले होते.
सना जावेदनेही शनिवारी तिच्या लग्नाचे फोटो सोशल मीडियावर शेअर केले. सना जावेदनेही तिच्या इंस्टाग्राम अकाउंटच्या बायोमध्ये तिचे नाव बदलून सना शोएब मलिक केले आहे.
शोएब मलिकचे हे तिसरे लग्न आहे. सानिया मिर्झाशी लग्न करण्यापूर्वी त्याने 2010 मध्ये पहिली पत्नी आयेशा सिद्दीकी हिला घटस्फोट दिला होता.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!