Sai Kishore : चेन्नईचा डावखुरा ऑर्थोडॉक्स फिरकीपटू साई किशोरची क्रिकेट कारकीर्द गेल्या काही महिन्यांपासून गोंधळाने भरलेली आहे. मानेच्या दुखापतीमुळे त्याला 2024 च्या आयपीएल हंगामातून बाहेर पडावे लागले. त्यानंतर किशोरने आपला फिटनेस परत मिळवण्यासाठी बंगळुरू येथील राष्ट्रीय क्रिकेट अकादमी (NCA) मध्ये काही महिने घालवले. दुखापतीमुळे किशोर क्रिकेटच्या मैदानाबाहेर असला तरी लवकरच त्याची भारतीय क्रिकेट संघात निवड होईल, अशी त्याला पूर्ण आशा आहे. नुकत्याच संपलेल्या तामिळनाडू प्रीमियर लीग (TNPL) मध्ये साईची कामगिरी उत्कृष्ट होती. द न्यू इंडियन एक्स्प्रेसच्या वृत्तानुसार, ऑर्थोडॉक्स फिरकीपटू साई किशोरने म्हटले आहे की, तो लवकरच भारतीय संघात आपले स्थान निश्चित करण्यात यशस्वी होईल.
साई किशोरने एका मुलाखतीत सांगितले की, “मला वाटते की मी देशातील सर्वोत्तम फिरकीपटूंपैकी एक आहे. मला कसोटी सामन्यात सामील करा, मी तयार आहे. तसेच जडेजा आहे, मी त्याच्यासोबत लाल चेंडूच्या फॉर्मेटमध्ये कधीही खेळलो नाही. त्यामुळे त्याच्यासोबत खेळणे हा माझ्यासाठी चांगला शिकण्याचा अनुभव असेल, त्यामुळे मी पूर्वीपेक्षा अधिक तयार आहे.”
A big statement by Sai Kishore 👀 pic.twitter.com/iTBW0aFA5a
— CricketGully (@thecricketgully) August 19, 2024
हेही वाचा – एलोन मस्क यांच्या टेस्ला कंपनीत नोकरी! 7 तासाचे मिळतील ₹28,000
बुची बाबू टूर्नामेंट खेळण्याबाबत साई किशोर म्हणाला की, मी ही स्पर्धा खेळत आहे कारण मला 50 षटके टाकण्याची तयारी ठेवावी लागेल. मला जास्तीत जास्त क्रिकेट खेळायचे आहे. कधी-कधी अशा दुखापती वरदान ठरतात कारण क्रिकेटपटूंना खूप क्रिकेट खेळून कंटाळा येतो, हे माझ्या बाबतीत फारसे घडत नाही, पण बहुतेक लोकांच्या बाबतीत असे घडते. साहजिकच, जेव्हा दुखापत होते तेव्हा मी खेळण्यासाठी आतुर असतो. जर मला 50 षटके टाकायची असतील तर ती मी आनंदाने करेन. त्यामुळे ते माझ्यासाठी वरदान ठरले आहे. मी पुन्हा खेळण्यासाठी खूप उत्सुक आहे.
भारतीय संघ आता सप्टेंबरमध्ये बांगलादेशविरुद्ध कसोटी मालिका खेळणार आहे. पुढील महिन्यात निवड समिती कसोटी मालिकेसाठी संघ जाहीर करतील. अशा परिस्थितीत साई किशोरने अशा गोष्टी बोलून निवडकर्त्यांवर नक्कीच प्रभाव टाकण्याचा प्रयत्न केला आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!