Ranji Trophy | रणजी ट्रॉफीचा अंतिम सामना विदर्भ आणि मुंबई यांच्यात झाला. अजिंक्य रहाणेच्या नेतृत्वाखाली मुंबईने या सामन्यात 169 धावांनी शानदार विजय नोंदवला. रणजी ट्रॉफीच्या फायनलनंतर माजी क्रिकेटपटू सुनील गावसकर यांनी मोठे वक्तव्य केले आहे. वास्तविक रणजी ट्रॉफीमध्ये खेळणाऱ्या खेळाडूंची फी तिप्पट व्हायला हवी, असे गावसकर यांनी म्हटले आहे.
सुनील गावसकर एका मुलाखतीदरम्यान म्हणाले, “जर रणजी ट्रॉफी फी दुप्पट किंवा तिप्पट केली जाऊ शकते, तर नक्कीच आणखी बरेच खेळाडू रणजी ट्रॉफी खेळतील. यासोबतच फार कमी खेळाडू रणजी ट्रॉफीपासून दूर राहतील. कारण फी चांगली असेल तर साहजिकच अधिकाधिक खेळाडू या स्पर्धेत सहभागी होण्यासाठी येतील. कसोटी क्रिकेट चालूच राहील पण पाच सामन्यांची कसोटी मालिका आता फारच कमी पाहायला मिळेल. प्रत्येक देशामध्ये पाच कसोटी सामन्यांची मालिका असू शकत नाही. फक्त दोन किंवा तीन पाच कसोटी खेळू शकतात.”
हेही वाचा – भारतासाठी खेळल्यानंतर सरफराज खानचे फॉलोअर्स 1.5 मिलियनवर!
त्यानंतर गावसकर यांनी प्रोत्साहन योजनेचे उदाहरण दिले आणि ते म्हणाले, “राहुल द्रविडने धर्मशाला कसोटीनंतर म्हटल्याप्रमाणे, प्रोत्साहन योजना ही कसोटी खेळणाऱ्या खेळाडूंसाठी बक्षीस आहे. रणजी खेळणाऱ्या खेळाडूंसाठीही अशीच योजना आणावी अशी मी बीसीसीआयला विनंती करेन.”
याशिवाय रणजी हंगाम जानेवारीऐवजी ऑक्टोबरमध्ये सुरू व्हावा, अशी सूचना त्यांनी केली. गावसकर म्हणाले की, रणजी करंडक स्पर्धा ऑक्टोबर ते डिसेंबरच्या मध्यापर्यंत आयोजित करावी, असे माझे वैयक्तिक मत आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!