BCCI Big Decision : २०२२च्या टी-२० विश्वचषक स्पर्धेत टीम इंडियाची कामगिरी काही खास नव्हती आणि त्यांना उपांत्य फेरीत इंग्लंडकडून पराभवाचा सामना करावा लागला. या पराभवानंतर भारतीय क्रिकेट नियामक मंडळ (बीसीसीआय) पूर्ण अॅक्शन मोडमध्ये आले आहे. काही दिवसांपूर्वी बीसीसीआयने चेतन शर्मा यांच्या अध्यक्षतेखालील राष्ट्रीय निवड समिती बरखास्त केली होती. आता बीसीसीआयने आणखी एक निर्णय घेतला आहे.
इंडियन एक्सप्रेसच्या वृत्तानुसार, बीसीसीआय मेंटल कंडिशनिंग प्रशिक्षक पॅडी अप्टन यांच्या कराराचे नूतनीकरण करणार नाही. म्हणजेच बांगलादेश दौऱ्यावर ते भारतीय संघासोबत जाणार नाही. टी-२० विश्वचषक संपल्यानंतर पॅडी अप्टन यांचा करार संपला. मूळचे दक्षिण आफ्रिकेचे असलेले पॅडी अप्टन हे मुख्य प्रशिक्षक राहुल द्रविडचे आवडते मानले जातात आणि द्रविडच्या सल्ल्यानेच ५३ वर्षीय अप्टनच्या मानसिक स्थितीसाठी त्याची नियुक्ती करण्यात आली होती. ५३ वर्षीय अप्टन या वर्षी जुलैमध्ये वेस्ट इंडिज दौऱ्याद्वारे भारतीय संघासोबत बीसीसीआयमध्ये सामील झाले होते.
हेही वाचा – Low Budget Laptops : ‘ही’ वेबसाईट देतेय सर्वात स्वस्त लॅपटॉप; १०,००० पेक्षाही कमी किमतीत; वाचा ऑफर!
BCCI has decided not to extend the contract of mental conditioning coach Paddy Upton. (Source – The Indian Express)
— Johns. (@CricCrazyJohns) November 25, 2022
२००८-११ दरम्यान भारतीय संघासोबतच्या पहिल्या कार्यकाळात, पॅडी यांनी मेंटल कंडिशनिंग प्रशिक्षक आणि धोरणात्मक प्रशिक्षक अशा दुहेरी भूमिकेत काम केले. त्या काळात त्यांचे मुख्य प्रशिक्षक गॅरी कर्स्टन, द्रविड यांच्यासह अनेक खेळाडूंशी चांगले संबंध होते. विश्वचषक जिंकण्याबरोबरच भारताने त्या काळात कसोटी क्रमवारीतही अव्वल स्थान गाठले होते. नंतर राहुल द्रविड आणि पॅडी अप्टन यांनीही आयपीएलमध्ये राजस्थान रॉयल्ससोबत एकत्र काम केले.
Paddy Upton was roped in by the BCCI this July after head coach Rahul Dravid requested for a mental conditioning coach keeping the T20 World Cup in mind.
✍️ @pdevendrahttps://t.co/hWe1kgg1qp
— Express Sports (@IExpressSports) November 26, 2022
पॅडी अप्टन २०११ च्या विश्वचषकानंतर दक्षिण आफ्रिकेच्या संघात कामगिरी संचालक म्हणून सामील झाले आणि २०१४ पर्यंत त्या भूमिकेत राहिले. पॅडी अप्टन यांनी आयपीएलमध्ये राजस्थान रॉयल्स, दिल्ली डेअरडेव्हिल्स आणि पुणे वॉरियर्ससोबत काम केले आहे. याशिवाय, अप्टन यांनी पीएसएल फ्रेंचायझी लाहोर कलंदर आणि बिग बॅशमध्ये सहभागी होणाऱ्या सिडनी थंडर संघाचेही प्रशिक्षकपद भूषवले आहे.