BCCI Central Contract 2023-24 | भारतीय क्रिकेट नियामक मंडळाने (BCCI) टीम इंडियाचा वार्षिक करार 2023-24 जाहीर केला आहे. यंदाच्या करारात अनेक युवा खेळाडूंना स्थान मिळाले आहे. त्याचबरोबर 2023 च्या एकदिवसीय विश्वचषकातील यष्टीरक्षक फलंदाज ईशान किशन आणि घातक फलंदाज श्रेयस अय्यर यांना यंदाच्या करारात स्थान मिळालेले नाही. बोर्डाने वारंवार विनंती करूनही ईशान किशनने देशांतर्गत क्रिकेट खेळले नाही. 2023-24 च्या रणजी ट्रॉफीमध्येही तो त्याच्या घरच्या संघाकडून खेळला नव्हता. ईशान किशनला कॉन्ट्रॅक्टमध्ये स्थान न मिळण्यामागे हे कारण असू शकते.
ईशान किशनचा हट्ट
स्टार यष्टीरक्षक फलंदाज ईशान किशनने डिसेंबर 2023 नंतर कोणतेही आंतरराष्ट्रीय क्रिकेट खेळलेले नाही. तो डिसेंबर-जानेवारीमध्ये दक्षिण आफ्रिकेविरुद्धच्या कसोटी मालिकेचा भाग होता, परंतु त्याने व्यवस्थापनाकडे रजा मागितली आणि संघातून माघार घेण्याचा निर्णय घेतला. तेव्हापासून तो टीम इंडियाच्या कोणत्याही फॉरमॅट संघाचा भाग नाही. सध्याच्या इंग्लंड मालिकेतही त्याला संघात स्थान मिळाले नाही. बीसीसीआयच्या अधिकाऱ्यांनी ईशानला देशांतर्गत क्रिकेट खेळण्यास सांगितले होते, परंतु तो एकाही रणजी सामन्यात झारखंड संघाचा भाग नव्हता. दरम्यान, दुखापतीतून सावरलेल्या हार्दिक पांड्यासोबत तो सराव करताना दिसला.
हेही वाचा – मराठी माणूस झाला भारताचा लोकपाल..! वाचा कोण आहेत न्यायमूर्ती खानविलकर
अय्यरची बॅट शांत
2023 च्या विश्वचषक स्पर्धेत 500 हून अधिक धावा करणारा मधल्या फळीतील फलंदाज श्रेयस अय्यरची बॅट सध्या शांत आहे. विश्वचषकानंतर, तो दक्षिण आफ्रिकेविरुद्ध आणि नंतर सध्याच्या इंग्लंडविरुद्ध कसोटी क्रिकेट खेळला, परंतु त्याच्या बॅटमधून त्याने धावा काढल्या नाहीत. अय्यरने दक्षिण आफ्रिका कसोटी मालिकेतील चार डावात एकूण 41 धावा केल्या होत्या. दोन कसोटी सामन्यांच्या चार डावांमध्ये त्याची धावसंख्या 31, 6, 0, 4* होती. त्याचवेळी, इंग्लंडविरुद्धच्या पहिल्या दोन कसोटी सामन्यांमध्ये अय्यरला एकही अर्धशतक झळकावण्यात यश आले नव्हते. त्याने चार डावात 35, 13, 27, 29 धावा केल्या. यानंतर तो दुखापतीमुळे उर्वरित सामन्यांमधून बाहेर पडला होता.
करार सूची 2023-24
ग्रेड A+ (4 खेळाडू) (7 कोटी)
रोहित शर्मा, विराट कोहली, जसप्रीत बुमराह आणि रवींद्र जडेजा.
ग्रेड A (6 खेळाडू) (5 कोटी)
आर अश्विन, मोहम्मद शमी, मोहम्मद सिराज, केएल राहुल, शुबमन गिल आणि हार्दिक पांड्या.
ग्रेड B (5 खेळाडू) (3 कोटी)
सूर्यकुमार यादव, ऋषभ पंत, कुलदीप यादव, अक्षर पटेल आणि यशस्वी जयस्वाल.
ग्रेड C (15 खेळाडू) (1 कोटी)
रिंकू सिंह, तिलक वर्मा, ऋतुराज गायकवाड, शार्दुल ठाकूर, शिवम दुबे, रवी बिश्नोई, जितेश शर्मा, वॉशिंग्टन सुंदर, मुकेश कुमार, संजू सॅमसन, अर्शदीप सिंग, केएस भरत, प्रसिध कृष्णा, आवेश खान आणि रजत पाटीदार.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!