Asia Cup 2023 IND vs PAK : आज राखीव दिवशी भारत विरुद्ध पाकिस्तान सामना एक तास 40 मिनिटे उशीराने सुरू झाला. रविवारी आशिया चषक सुपर फोरच्या सामन्यात भारत आणि पाकिस्तानचे संघ आमनेसामने आले, पण पावसामुळे सामना पूर्ण होऊ शकला नाही, जो आता सोमवारी कोलंबोच्या आर प्रेमदासा स्टेडियमवर खेळला जात आहे. कालचे नाबाद परतलेले फलंदाज विराट कोहली आणि केएल राहुल यांनी भारतीय डावाची सुरुवात केली. दोघांनी जबरदस्त शतके ठोकली. /या दोघांच्या शतकांच्या जोरावर भारताने पाकिस्तानला 50 षटकात 357 धावांचे विशाल आव्हान दिले आहे.
शाहीन शाह आफ्रिदी, नसीम शाह या पाकिस्तानच्या वर्ल्ड क्लास गोलंदाजांची धुलाई करत राहुल आणि विराट यांनी राखीव दिवशी फलंदाजी केली. आज हारिस रौफ दुखापतीमुळे गोलंदाजी करू शकला नाही. डावाच्या शेवटच्या षटकात नसीम शाहलाही दुखापत झाल्याचे समोर आले. या सामन्यात राहुल, विराटने मिळून नाबाद 233 धावांची भागीदारी केली. राहुलने 12 चौकार आणि 2 षटकारांसह नाबाद 111 तर विराटने 9 चौकार आणि 3 षटकारांसह नाबाद 122 धावा केल्या. एकदिवसीय क्रिकेटमध्ये 13000 धावा करणारा विराट सर्वात वेगवान फलंदाज ठरला. त्याचे हे 47वे एकदिवसीय शतक ठरले. तत्पूर्वी भारताचे सलामीवीर रोहित शर्मा (56) आणि शुबमन गिल (58) यांनीही चांगली फलंदाजी केली. पाकिस्तानकडून आफ्रिदी आणि शादाब खानने प्रत्येकी एक-एक विकेट घेतली.
हेही वाचा – ऑनलाइन म्हैस खरेदी करताना फसवले, चोरांनी उकळले 53 हजार रुपये!
दोन्ही संघांची Playing 11
भारत – रोहित शर्मा (कर्णधार), शुबमन गिल, विराट कोहली, केएल राहुल, इशान किशन (यष्टीरक्षक), हार्दिक पांड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज.
पाकिस्तान – बाबर आझम (कर्णधार), फखर जमान, इमाम उल हक, सलमान अली आगा, इफ्तिखार अहमद, मोहम्मद रिझवान (यष्टीरक्षक), शादाब खान (उपकर्णधार), फहीम अश्रफ, हारिस रौफ, नसीम शाह आणि शाहीन शाह आफ्रिदी.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!