Anushka Sharma On Virat Kohlis Room Vdeo : भारतीय क्रिकेट संघ टी-२० विश्वचषक खेळण्यासाठी ऑस्ट्रेलियात उपस्थित आहे. मात्र विराट ज्या हॉटेलमध्ये थांबला आहे, तिथे त्याच्यासोबत असे काही घडले आहे, ज्याचा लोक निषेध करत आहेत. हॉटेलच्या कर्मचार्‍यांनी विना परवानगी विराटच्या खोलीत प्रवेश करून खोलीचा व्हिडिओ बनवला आणि नंतर तो सोशल मीडियावर शेअर केला. या कृतीवर विराटची पत्नी आणि बॉलिवूड अभिनेत्री अनुष्का शर्माने प्रतिक्रिया दिली आहे. असे कृत्य करणाऱ्याला त्यांनी जोरदार खडसावले आहे.
हॉटेल कर्मचाऱ्यांच्या या कृत्याचा विराट कोहली आणि अनुष्का शर्मा यांनी तीव्र शब्दात निषेध केला आहे. सर्वप्रथम विराटने त्याच्या इन्स्टाग्राम हँडलवर चाहत्याने बनवलेला व्हिडिओ शेअर करून आपला राग व्यक्त केला. विराटनंतर आता त्याची पत्नी अनुष्का शर्मानेही या संपूर्ण प्रकरणावर प्रतिक्रिया दिली आहे.
हेही वाचा – Gujarat Morbi Bridge Collapse : ‘असा’ पडला गुजरातचा केबल ब्रिज..! पाहा CCTV फुटेज
काय म्हणाली अनुष्का?
अनुष्का शर्माने तिच्या इंस्टाग्रामवर या कृत्याबद्दल संताप व्यक्त केला आहे. अनुष्काने गोपनीयतेवरही प्रश्नचिन्ह उपस्थित केले आहे. अनुष्काने तिच्या पोस्टमध्ये म्हटले, ”अनेक वेळा अशा घटनांना सामोरे जावे लागले आहे, परंतु ही गोष्ट सर्वात मूर्ख आहे. हे सहन केले जाऊ शकत नाही आणि ज्यांना वाटते की जर तुम्ही सेलिब्रिटी असाल तर तुम्हाला डील करावे लागेल, तर त्यांनी समजून घेतले पाहिजे की तुम्हीच या समस्येचे कारण आहात. जर तुझ्या बेडरूममध्ये असे घडले असते, तर काय होईल?”
It’s so good to see Anushka Sharma standing for Virat Kohli by diverting the topic every time Kohli drops an easy catch or fails with bat. 🥹 pic.twitter.com/QLbWfdMQSM
— Vinay (@Being_Humor) October 31, 2022
विराटही संतापला
विराटने त्याच्या इन्स्टा पोस्टमध्ये लिहिले की, “मला समजले आहे की चाहते त्यांच्या आवडत्या खेळाडूंबद्दल खूप आनंदी आणि उत्सुक आहेत. मी त्याचे कौतुकही करतो. पण जो व्हिडिओ समोर आला आहे त्यामुळे मला माझ्या गोपनीयतेबद्दल काळजी वाटू लागली आहे. स्वतःची हॉटेलच्या खोलीत असे घडले तर काय अर्थ आहे, मग मला माझी वैयक्तिक जागा कोठून मिळेल. मला हे पटत नाही. हे माझ्या गोपनीयतेचा भंग करण्यासारखे आहे. कृपया एखाद्याच्या गोपनीयतेचा आदर करा आणि त्याचा आदर करा. त्याला तुमच्या मनोरंजनाचे साधन बनवू नका.”