आंतरराष्ट्रीय क्रिकेट परिषदेने बुधवारी खेळाडूंची ताजी क्रमवारी (ICC Rankings) जाहीर केली. अफगाणिस्तानचा अनुभवी क्रिकेटपटू मोहम्मद नबी (Mohammed Nabi) हा जगातील नंबर 1 वनडे अष्टपैलू खेळाडू बनला आहे. त्याने बांगलादेशचा शक्तिशाली अष्टपैलू खेळाडू शाकिब अल हसनकडून हे स्थान काढून घेतले आहे. शाकिब जवळपास पाच वर्षे अव्वल स्थानावर होता. शाकिबचे 310 रेटिंग गुण आहेत आणि आता तो दुसऱ्या स्थानावर घसरला आहे. त्याचवेळी 39 वर्षीय नबी 314 गुणांसह अव्वल स्थानी पोहोचला आहे.
नबीने अलीकडेच श्रीलंकेविरुद्धच्या तीन सामन्यांच्या वनडे मालिकेतील पहिल्या सामन्यात 139 धावांची शानदार खेळी केली. त्याने एक विकेटही घेतली. मात्र, दुसऱ्या सामन्यात त्याला छाप सोडता आली नाही. श्रीलंकेने मालिकेत 2-0 अशी अजेय आघाडी कायम ठेवली आहे. दक्षिण आफ्रिकेचा केशव महाराज वनडे गोलंदाजांच्या क्रमवारीत अव्वल स्थानावर कायम आहे. श्रीलंकेचा वानिंदू हसरंगा (14 स्थानांनी वर 26 व्या स्थानावर) आणि दिलशान मदुशंका (चार स्थानांनी 33 व्या स्थानावर) वाढले आहेत.
पाकिस्तानचा बाबर आझम फलंदाजांच्या वनडे क्रमवारीत पहिल्या स्थानावर कायम आहे. अफगाणिस्तानविरुद्धच्या प्रभावी कामगिरीचा फायदा श्रीलंकेच्या तीन खेळाडूंना झाला आहे. चारिथ असलंका पाच स्थानांनी चढून 15व्या स्थानावर पोहोचला आहे. दुसऱ्या सामन्यात त्याने नाबाद 97 धावा केल्या. पहिल्या सामन्यात द्विशतक झळकावणाऱ्या पथुम निसांका 10 स्थानांनी सुधारून 18व्या स्थानावर पोहोचला आहे. सादिरा समरविक्रमाने सहा स्थानांनी प्रगती करत 41व्या स्थानावर पोहोचले आहे.
हेही वाचा – काँग्रेसची खेळी? सोनिया गांधी ‘इथून’ राज्यसभा लढणार!
कसोटी क्रमवारीत अव्वल स्थानावर असलेल्या गुणांमध्येच बदल झाला आहे. दक्षिण आफ्रिकेविरुद्धच्या पहिल्या कसोटीत दोन शतके झळकावणाऱ्या केन विल्यमसनच्या (883 गुण) स्थानात वाढ झाली आहे. स्टीव्ह स्मिथ दुसऱ्या, जो रूट तिसऱ्या तर इंग्लंड मालिका न खेळणारा विराट कोहली सातव्या क्रमांकावर आहे. भारतीय वेगवान गोलंदाज जसप्रीत बुमराह (881 गुण) कसोटी गोलंदाजांच्या क्रमवारीत अव्वल स्थानावर आहे. रवींद्र जडेजा (416) हा पहिल्या क्रमांकाचा कसोटी अष्टपैलू खेळाडू आहे. दुखापतीमुळे जडेजा इंग्लंडविरुद्धच्या दुसऱ्या कसोटीत खेळला नव्हता.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!