IMD Rain Alert : देशातील अनेक राज्यांमध्ये वाढत्या उष्णतेमध्ये हलका पाऊस आणि रिमझिम पावसाने वातावरण आल्हाददायक बनले आहे. वाढत्या तापमानामुळे वातावरणातील बदलामुळे नागरिकांना दिलासा मिळाला आहे. हवामान खात्याने महाराष्ट्र, राजस्थान, गुजरातसह इतर काही राज्यांमध्ये पाऊस पडणार असल्याचे सांगितले आहे. हवामान खात्याच्या म्हणण्यानुसार, आज म्हणजेच ७ मार्च आणि उद्या मध्य भारत आणि पश्चिम भारताशी जोडलेल्या भागात मेघगर्जनेसह पाऊस पडण्याची शक्यता व्यक्त करण्यात आली आहे.
महाराष्ट्रातील हवामान
हवामान खात्याच्या म्हणण्यानुसार, महाराष्ट्राच्या काही भागात आज म्हणजेच ७ मार्च रोजी पाऊस पडू शकतो. IMD ने दिलेल्या माहितीनुसार, आजपासून ९ मार्चपर्यंत महाराष्ट्रात पाऊस पडू शकतो. मुंबईबद्दल बोलायचे झाले तर आज किमान तापमान २३ अंश तर कमाल तापमान ३४ अंशांवर नोंदवले जाऊ शकते. यासोबतच मुंबईतही हलका पाऊस पडू शकतो. दुसरीकडे, नाशिकबद्दल बोलायचे झाल्यास, येथे किमान तापमान १६ अंश आणि कमाल तापमान ३२ अंशांवर नोंदविले जाऊ शकते. त्याच वेळी, दुपारी किंवा संध्याकाळी मेघगर्जनेसह पाऊस देखील नोंदविला जाऊ शकतो.
Mod intensity clouds over Mumbai Thane, Palghar,
Mod to intense clouds over Nashik Ahmednagar, Ch Sambhaji Nagar, Beed, Dhule, NAndurbar, Jalgao & parts of west Vidarbha,adj Marthwada too.
Possibility of mod to intense thunderstorms in these regions in next 3, 4 hrs.
watch pl pic.twitter.com/Tc0AdRRgdb— K S Hosalikar (@Hosalikar_KS) March 7, 2023
हेही वाचा – महिलांना मिळणार १ रुपयात सॅनिटरी पॅड्स..! ‘या’ ॲपच्या माध्यमातून मिळेल औषधांची माहिती
नाशिक अहमदनगर, छत्रपकती संभाजी नगर, बीड, धुळे, नंदुरबार, जळगाव आणि पश्चिम विदर्भाचा काही भाग, तसेच मराठवाड्यातही पुढील ३-४ तासांत वीजांच्या गडगडाटासह पाऊस पडण्याची शक्यता आहे.
इतर राज्यांची हवामान स्थिती
हवामान अंदाज एजन्सी स्कायमेटच्या मते, आज पश्चिम हिमालयात एक किंवा दोनदा मध्यम पाऊस पडू शकतो. त्याच वेळी, पश्चिम हिमालय आणि सिक्कीमच्या काही भागात बर्फवृष्टी देखील शक्य आहे. राजस्थान, पश्चिम मध्य प्रदेश, विदर्भ, छत्तीसगड आणि पूर्व मध्य प्रदेशच्या पूर्व भागात एक किंवा दोन ठिकाणी विखुरलेला पाऊस आणि मेघगर्जनेसह पाऊस पडू शकतो. त्याचबरोबर तामिळनाडूच्या काही भागात हलका पाऊस पडू शकतो.