हिवाळ्यात फिरायचंय? नागपूरसह ‘या’ ठिकाणांना द्या भेट; फॉरेनसारखं वाटेल!

Hill Stations Around Nagpur : हिवाळ्यात हिल स्टेशन्स फिरण्याची अनेकांना आवड असते. अशा परिस्थितीत हिवाळा येताच बहुतेक लोक हिमालयातील हिल स्टेशन्सकडे वळतात. तुम्हाला माहिती आहे का की उत्तर भारताव्यतिरिक्त देशाच्या इतर भागातही अनेक अद्भुत हिल स्टेशन्स आहेत. विशेषतः जर तुम्ही नागपूर जवळ असाल तर काही हिल स्टेशनला भेट दिल्याने तुमची हिवाळी सहल अविस्मरणीय होऊ शकते. महाराष्ट्रातील नागपूर हे अनेक मंदिरे, ऐतिहासिक ठिकाणे आणि आकर्षक नैसर्गिक दृश्यांसाठी ओळखले जाते. पण महाराष्ट्रात नागपूरच्या आसपास आणि दूरवर काही सुंदर हिल स्टेशन्स देखील आहेत. ते शोधणे हिवाळ्यात तुमच्यासाठी सर्वोत्तम अनुभव असू शकते.

नागपूर जवळील काही प्रसिद्ध हिल स्टेशन…

पंचमढी हिल स्टेशन

नागपूरपासून २३० किमी अंतरावर असलेल्या पचमढी हिल स्टेशनला सातपुड्याची राणी म्हटले जाते. जंगले, धबधबे, पायवाटे आणि गुहा यांनी वेढलेले, पंचमढी हिल स्टेशन महाराष्ट्रातील आकर्षक ठिकाणांमध्ये गणले जाते. येथे तुम्ही जटा शंकर गुंफा, पांडव गुंफा, धुपगड, महादेव हिल्स, डचेस फॉल्स तसेच भगवान शिवाच्या अनेक पौराणिक मंदिरांना भेट देऊ शकता.

चिखलदरा हिल स्टेशन

नागपूरचे सर्वोत्तम वीकेंड स्पॉट म्हणून ओळखले जाणारे चिखलदरा हिल स्टेशन देखील येथून २३० किलोमीटर अंतरावर आहे. सुंदर दृश्यांव्यतिरिक्त, चिखलदरा हिल स्टेशन कॉफीच्या सुगंधासाठी देखील प्रसिद्ध आहे. त्यामुळे चिखलदऱ्यात तुम्ही मेळघाट व्याघ्र प्रकल्पाला भेट देऊन, खोल दरी, भीमकुंड, मंदिर भेट आणि शक्कर तलावावर बोटिंग करून तुमचा प्रवास संस्मरणीय बनवू शकता.

हेही वाचा  – Maruti Suzuki Swift 2023 : स्विफ्टचं नवं मॉडेल घालणार धुमाकूळ..! मायलेज ४० Kmpl; जाणून घ्या किंमत

नागपूरपासून दूर असलेली ठिकाणं…

इगतपुरी हिल स्टेशन

इगतपुरी हिल स्टेशन हे महाराष्ट्रातील सर्वोत्तम ट्रेकिंग स्पॉट मानले जाते. येथे तुम्ही रॉक क्लाइंबिंग तसेच पर्वतांच्या उंच शिखरांवर ट्रेकिंग करू शकता. याशिवाय, इगतपुरी हिल स्टेशनच्या प्रवासादरम्यान, तुम्ही भातसा नदी घाट, धबधब्यांसाठी प्रसिद्ध कॅमल व्हॅली, घाटदेवी मंदिर, त्रिंगलवाडी किल्ला आणि पॅगोडा पाहू शकता.

जव्हार हिल स्टेशन

फोटोग्राफीची आवड असलेल्या लोकांसाठी, जव्हार हिल स्टेशनची सहल हे सर्वोत्तम प्रवासाचे ठिकाण ठरू शकते. नागपूरपासून हे ठिकाण ७३४ किलोमीटर अंतरावर असलेले जव्हार हिल स्टेशन हे जोडप्यांसाठी खूप प्रसिद्ध आहे. येथे तुम्ही शिरपामल पॅलेस, जय विलास पॅलेस, दुबडाबा फॉल्स, हनुमान पॉइंट आणि काल मांडवी फॉल्सला भेट देऊ शकता.

लवासा हिल स्टेशन

पुणे शहरापासून सुमारे ६० किमी अंतरावर आणि नागपूरपासून ७७० किमी अंतरावर असलेले लवासा हिल स्टेशन इटलीतील पोर्टोफिनो शहरासारखे दिसते. सात टेकड्यांवर पसरलेले, लवासा आकर्षक नैसर्गिक दृश्यांसह आधुनिक इमारतींचे उत्कृष्ट उदाहरण सादर करते. लवासामध्ये, निसर्गाच्या सानिध्यात राहून तुम्ही रिसॉर्ट्स, हॉटेल्स आणि मॉल्स एक्सप्लोर करू शकता.