Sudha Murthy Met Sambhaji Bhide : इन्फोसिस फाउंडेशनच्या अध्यक्षा, लेखिका आणि सामाजिक कार्यकर्त्या सुधा मूर्ती यांचे काही फोटो सोशल मीडियावर व्हायरल होत आहे. सुधा मूर्ती सध्या कोकण दौऱ्यावर आहेत. तत्पूर्वी त्यांनी सांगलीत एका कार्यक्रमाला हजेरी लावली. यादरम्यान त्यांनी शिवप्रतिष्ठानचे संभाजी भिडे यांची भेट घेतली. मूर्तींची भिडेसोबतची भेट सध्या चर्चेचा विषय ठरत आहे. त्यांचा व्हिडीओही सध्या सोशल मीडियावर व्हायरल होत आहे.
सुधा मूर्ती यांनी संभाजी भिडेंना भेटताच त्यांच्या चरणी नतमस्तक होऊन आशिर्वाद घेतला. त्यानंतर दोघांनी गप्पा मारल्या. यावेळी सुधा मूर्ती मराठमोळ्या वेशभूषेत दिसल्या. त्यांनी साडी, नथ, तसेच केसांत गजराही माळला होता. मूर्तींनी कुरुंदवाड येथील आपल्या घराची पाहणी करत आठवणींना उजाळा दिला शिवाय, कोल्हापूरात अंबाबाईचे दर्शन घेतले.
…आणि संभाजी भिडेंच्या पाया पडल्या सुधा मूर्ती! #SudhaMurthy #sambhajibhide #vachamarathi #Sangli pic.twitter.com/Gym3zupvFn
— Vacha Marathi (@VachaMarathi) November 8, 2022
हेही वाचा – T20 World Cup 2022 IND Vs ENG Semifinal : …तर मॅच न खेळता भारत थेट जाणार फायनलमध्ये!
Maharashtra | Author & philanthropist Sudha Murthy met and took blessings from Shiv Pratishthan founder Sambhajirao Bhide during an event in Sangli yesterday pic.twitter.com/VYm34y1MNI
— ANI (@ANI) November 8, 2022
संभाजी भिडेंचे ‘ते’ वक्तव्य!
एका प्रकरणामुळे संभाजी भिडे नुकतेच चर्चेत होते. मुंबईतील एका महिला पत्रकाराशी केलेल्या वक्तव्यामुळे भिडे सर्वांच्याच निशाण्यावर आले. संभाजी भिडे यांना महिला पत्रकाराने प्रश्न विचारला होता. या प्रश्नाचे उत्तर देण्याऐवजी त्यांनी आधी कुंकू लाव, मग तुझ्याशी बोलतो, असे म्हटले होते.