Success Story : परदेशी कंपन्यांमध्ये भारतीय लोकांनी आपला झेंडा फडकावला आहे. यामध्ये मायक्रोसॉफ्टपासून गुगलपर्यंत अनेक कंपन्यांचा समावेश आहे. परदेशी कंपन्या ताब्यात घेण्यात भारतीय महिलाही मागे नाहीत. पुण्यात जन्मलेल्या नेहा नारखेडे देखील अलीकडेच जगातील सर्वात मोठ्या टेक कंपन्यांचे संस्थापक किंवा नेतृत्व करणाऱ्या भारतीयांच्या यादीत सामील झाल्या आहेत. नेहा यांना भारतातील सर्वात तरुण स्वयंनिर्मित महिला उद्योजकाचा टॅग आहे. फोर्ब्सने नेहा नारखेडेंची गणना अमेरिकेतील सर्वात श्रीमंत महिलांमध्ये केली आहे.
नेहा यांनी इथपर्यंत पोहोचण्यासाठी खूप संघर्ष केला आहे. पुण्यात वाढलेल्या नेहा नारखेडेंचे नाव फोर्ब्सने अमेरिकेतील सर्वात श्रीमंत सेल्फ मेड महिलांच्या यादीत टाकले आहे. नेहा या सॉफ्टवेअर कंपनी कॉन्फ्लुएंट आणि फ्रॉड डिटेक्शन कंपनी ऑसिलेटरच्या सह-संस्थापक आहेत.
Proud moment for #India!
Four Indian-origin women, Jayshree Ullal, Neerja Sethi, Neha Narkhede, and Indra Nooyi have made it to the Forbes list of America's 100 most successful self-made women with a combined net worth of $4.06 billion.@nehanarkhede@Indra_Noooyi #jayshreeullal… pic.twitter.com/733SwiBPtu— Upendrra Rai (@UpendrraRai) July 11, 2023
एका वर्षात 8600 कोटींचे नुकसान
नेहा नारखेडे त्यांच्या कंपनीच्या ब्लॉकबस्टर IPO च्या आधारे 2021 मध्ये 8व्या सर्वात श्रीमंत भारतीय महिला बनल्या आणि त्यांची एकूण संपत्ती 13,380 कोटी रुपये इतकी आहे. सर्वात चांगली गोष्ट म्हणजे त्यांच्याकडे अजूनही भारतातील सर्वात तरुण स्वयंनिर्मित महिला उद्योजकाचा टॅग आहेत. 2022 च्या हुरुन रिच लिस्टमध्ये त्यांची संपत्ती झपाट्याने घसरून 4,700 कोटी रुपयांवर आली. सुमारे एका वर्षाच्या कालावधीत 8,600 कोटी रुपयांची ही मोठी घसरण होती.
हेही वाचा – Project K : पुन्हा कॉपी? प्रभासचा लूक पाहून लोक म्हणाले, “इतकं घाणेरडं एडिटिंग…”
कोण आहेत नेहा नारखेडे?
नेहा यांचा जन्म आणि पालन-पोषण महाराष्ट्राच्या पुण्यातील कॉलेज टाउनमध्ये झाले. त्यांनी सावित्रीबाई फुले पुणे विद्यापीठातून संगणकशास्त्रात पदवी संपादन केली. त्यानंतर जॉर्जिया टेकमध्ये पुढील शिक्षणासाठी त्या अमेरिकेत गेल्या. त्यांनी आपल्या करिअरची सुरुवात सॉफ्टवेअर कंपनी ओरॅकलमधून केली.
नेहा यांची नेट वर्थ 2019 मध्ये फोर्ब्सने $360 मिलियन नोंदवली होती, जी झपाट्याने 2020 मध्ये $600 मिलियन झाली. 2021 मध्ये $925 मिलियन पर्यंत वाढली. त्यानंतर 2022 मध्ये त्यांची संपत्ती 490 मिलियन डॉलरवर आली. त्याची सध्याची एकूण संपत्ती $520 मिलियन किंवा अंदाजे 4,268 कोटी रुपये आहे.
नेहा अपाचे काफ्का या ओपन सोर्स मेसेजिंग सिस्टमच्या सह-निर्मात्या आहेत. LinkedIn वर असताना, नेहा आणि त्यांच्या टीमने Apache Kafka, साइटचा डेटा हाताळण्यासाठी तयार केलेली ओपन सोर्स मेसेजिंग सिस्टम विकसित केली. 2014 मध्ये, नेहा आणि त्यांच्या दोन लिंक्डइन सहकाऱ्यांनी नोकरी सोडली आणि कॉन्फ्लुएंट सुरू केले. Confluent हा क्लाउड सोल्यूशन प्रदाता आहे जो विविध कंपन्यांना मोठ्या प्रमाणात डेटावर प्रक्रिया करण्यास मदत करतो.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!